കാപ്പചുമത്തി നാടുകടത്തിയ ശേഷം വീണ്ടും നാട്ടിലെത്തിയ യുവാവിനെ അറസ്റ്റ് ചെയ്തു,

മട്ടാഞ്ചേരി: കാപ്പചുമത്തി നാടുകടത്തിയ ശേഷം വീണ്ടും നാട്ടിലെത്തിയ യുവാവിനെ അറസ്റ്റ് ചെയ്തു. മട്ടാഞ്ചേരി പുതിയറോഡ് പനച്ചിക്കപ്പറമ്പ് ഫിറോസ് (30) ആണ് അറസ്റ്റിലായത്.

ഫിറോസിനെതിരേ മട്ടാഞ്ചേരി, ഫോര്‍ട്ട്കൊച്ചി, പള്ളുരുത്തി സ്റ്റേഷനുകളില്‍ കേസുകളുണ്ടെന്ന് പോലീസ് പറഞ്ഞു. അസി. പോലീസ് കമ്മിഷണര്‍ കെ.ആര്‍. മനോജിന്റെ നിര്‍ദേശപ്രകാരം മട്ടാഞ്ചേരി എസ്.ഐ. ജിൻസണ്‍ ഡൊമിനിക്ക് നടത്തിയ പരിശോധനയിലാണ് ഫിറോസ് പിടിയിലായത്.

ഇയാളെ കഴിഞ്ഞ ജൂലായിലാണ് കാപ്പചുമത്തി നാടുകടത്തിയതായി സിറ്റി പോലീസ് കമ്മിഷണര്‍ ഉത്തരവിറക്കിയത്. എന്നാല്‍ ഉത്തരവ് ലംഘിച്ച്‌ ഇയാള്‍ കഴിഞ്ഞ ദിവസം മട്ടാഞ്ചേരിയിലെത്തിയപ്പോഴാണ് മട്ടാഞ്ചേരി പോലീസ് പിടികൂടിയത്.