അടുക്കളകളില് കാണപ്പെടുന്ന ഏറ്റവും പ്രധാനപ്പെട്ട സുഗന്ധവ്യഞ്ജനങ്ങളില് ഒന്നാണ് കറുവപ്പട്ട. പല വിഭവങ്ങളിലും രുചിയും സ്വാദും കൂട്ടാൻ കറുവപ്പട്ട ഉപയോഗിച്ച് വരുന്നു.ഭക്ഷണത്തിന് രുചി നല്കുന്നതിന് പുറമേ ഇവ ആരോഗ്യത്തിനും ചര്മ്മത്തിനും ഗുണകരമാണ്.
.jpeg)
അണ്ഡോത്പാദനത്തിന് ആവശ്യമായ ഹോര്മോണുകളുടെ ഉത്പാദനം വര്ദ്ധിപ്പിച്ച് കറുവാപ്പട്ട പ്രത്യുല്പാദനക്ഷമത മെച്ചപ്പെടുത്തുന്നതായി കണ്ടെത്തിയിട്ടുണ്ട്. കറുവപ്പട്ട വെള്ളം പതിവായി കുടിക്കുന്നത് ഗര്ഭധാരണ സാധ്യത മെച്ചപ്പെടുത്താൻ സഹായിക്കുമെന്നും ഗവേഷണങ്ങള് സൂചിപ്പിക്കുന്നു.
കറുവാപ്പട്ട ഇൻസുലിൻ സംവേദനക്ഷമത മെച്ചപ്പെടുത്തുകയും വീക്കം കുറയ്ക്കുകയും ചെയ്യുന്നതിലൂടെ പോളിസിസ്റ്റിക് ഓവറി സിൻഡ്രോമിന്റെ (പിസിഒഎസ്) ലക്ഷണങ്ങള് കുറയ്ക്കുന്നതായി കണ്ടെത്തിയിട്ടുണ്ട്. കറുവപ്പട്ട പിസിഒഎസ് ഉള്ള സ്ത്രീകളില് ആര്ത്തവചക്രികത മെച്ചപ്പെടുത്തുകയും അണ്ഡോത്പാദനം വര്ദ്ധിപ്പിക്കുകയും ചെയ്യുന്നതായി ജേണല് ഓഫ് ഫെര്ട്ടിലിറ്റി ആൻഡ് സ്റ്റെറിലിറ്റിയില് പ്രസിദ്ധീകരിച്ച ഒരു പഠനത്തില് വ്യക്തമാക്കിയിട്ടുണ്ട്.
കറുവപ്പട്ട വെള്ളം കുടിക്കുന്നത് ക്രമരഹിതമായ ആര്ത്തവം, മുഖക്കുരു, അമിത രോമവളര്ച്ച തുടങ്ങിയ ലക്ഷണങ്ങളെ ലഘൂകരിക്കാൻ സഹായിക്കും. കറുവാപ്പട്ട ഇൻസുലിൻ പ്രതിരോധം കുറയ്ക്കുന്നതായി കണ്ടെത്തിയിട്ടുണ്ട്. ഇത് ശരീരഭാരം കുറയ്ക്കാൻ ഇടയാക്കും. കറുവാപ്പട്ട വെള്ളം കുടിക്കുന്നത് വിശപ്പ് കുറയ്ക്കുന്നതിന് മികച്ചൊരു പ്രതിവിധിയാണ്.
കറുവാപ്പട്ട ശരീരത്തിലെ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു. ടൈപ്പ് 2 പ്രമേഹമുള്ളവരില് കറുവപ്പട്ട സപ്ലിമെന്റേഷൻ ഫാസ്റ്റിംഗ് ബ്ലഡ് ഗ്ലൂക്കോസും ഹീമോഗ്ലോബിൻ എ1സിയും മെച്ചപ്പെടുത്തുന്നുവെന്ന് ജേണല് ഓഫ് മെഡിസിനല് ഫുഡില് പ്രസിദ്ധീകരിച്ച ഒരു മെറ്റാ അനാലിസിസ് കണ്ടെത്തി. കറുവപ്പട്ട വെള്ളം പതിവായി കുടിക്കുന്നത് രക്തത്തിലെ പഞ്ചസാരയുടെ അളവ് കുതിച്ചുയരുന്നത് തടയാൻ സഹായിക്കുന്നതായി പഠനങ്ങള് പറയുന്നു.
കറുവാപ്പട്ടയ്ക്ക് ആൻറി-ഇൻഫ്ലമേറ്ററി, ആൻറി ബാക്ടീരിയല് ഗുണങ്ങളുണ്ട്. അത് രോഗപ്രതിരോധ ശേഷി വര്ദ്ധിപ്പിക്കാൻ സഹായിക്കും. കറുവപ്പട്ട വെള്ളം പതിവായി കുടിക്കുന്നത് ശരീരത്തെ അണുബാധകളെയും രോഗങ്ങളെയും ചെറുക്കാൻ സഹായിക്കും.
കറുവാപ്പട്ട കൊളസ്ട്രോളിന്റെ അളവ് കുറയ്ക്കുമെന്നും ഹൃദ്രോഗ സാധ്യത കുറയ്ക്കുമെന്നും കണ്ടെത്തിയിട്ടുണ്ട്. കറുവപ്പട്ട വെള്ളം പതിവായി കുടിക്കുന്നത് ഹൃദയാരോഗ്യം മെച്ചപ്പെടുത്താനും ഹൃദ്രോഗ സാധ്യത കുറയ്ക്കാനും സഹായിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.