കൽക്കട്ട മലയാളി അസോസിയേഷന്റെ നേതൃത്വത്തിൽ ഈ വർഷത്തെ ഓണാഘോഷം പ്രൗഢഗംഭീരമായി കൊൽക്കത്ത ബെഹാലയിലെ BDS ഭവനിൽസംഘടിപ്പിച്ചു.

കൽക്കട്ട : കൽക്കട്ട മലയാളി അസോസിയേഷന്റെ നേതൃത്വത്തിൽ ഈ വർഷത്തെ ഓണഘോഷം നവംബർ പത്ത് ഞായറാഴ്ച്ച പ്രൗഢഗംഭീരമായി കൊൽക്കത്ത ബെഹാലയിലെ BDS ഭവനിൽസംഘടിപ്പിച്ചു.

അസോസിയേഷൻ പ്രസിഡന്റ്‌ ജോസ് മുക്കത്ത്, സെക്രട്ടറി ജെയിംസ് വിത്സൻ എന്നിവർ നേതൃത്വം കൊടുത്ത ആഘോഷ പരിപാടികളിൽ നിരവധി മലയാളികൾ പങ്കെടുത്തു.

കുട്ടികളും മുതിർന്നവരും പങ്കെടുത്ത ചടങ്ങിൽ കേരളീയ വേഷം ധരിച്ചെത്തിയ അംഗങ്ങൾ പ്രോഗ്രാമിന് നിറപ്പകിട്ടേകി. വിവിധ കലാപരിപാടികളും വിഭവ സമൃദ്ധമായ ഓണ സദ്യയും BDS ഭവനിൽ ഒത്തുചേർന്ന പ്രവാസി മലയാളി സമൂഹത്തിന് നവോന്മേഷം നൽകി.

ചടങ്ങിൽ പി ബി സലിം IAS ചീഫ് സെക്രട്ടറി,CMO, വെസ്റ്റ് ബംഗാൾ മുഖ്യ അതിഥി ആയിരുന്നു. വൈകിട്ടോടെ പ്രോഗ്രാം സമാപിച്ചു.