സോണിയ ഗാന്ധിയെ ആശുപത്രിയില്‍ പ്രവേശിപ്പിച്ചു.

ഡൽഹി:സോണിയ ഗാന്ധിയെ ആശുപത്രിയില്‍ പ്രവേശിപ്പിച്ചു. പനിയെ തുടർന്ന് കോൺഗ്രസ് പാർലമെന്ററി പാർട്ടി അധ്യക്ഷ സോണിയ ഗാന്ധിയെ ആശുപത്രിയില്‍ പ്രവേശിപ്പിച്ചത്.

ഡൽഹിയിലെ സർ ഗംഗാറാം ആശുപത്രിയിലാണ് അഡ്മിറ്റ് ചെയ്തിരിക്കുന്നത്. നിലവിൽ സോണിയ ഡോക്‌ടർമാരുടെ നിരീക്ഷണത്തിലാണെന്നും ആരോഗ്യനില തൃപ്തികരമാണെന്നും വാർത്താ ഏജൻസിയായ എഎൻഐ റിപ്പോർട്ട് ചെയ്തു.

വൈറൽ ശ്വാസകോശ സംബന്ധമായ അണുബാധയുടെ ചികിത്സയ്ക്കായി 2023 ജനുവരി 12 ന് ഡൽഹിയിലെ സർ ഗംഗാറാം ആശുപത്രിയിൽ പ്രവേശിപ്പിച്ചിരുന്നു. 2023 ജനുവരി 17 ന് ആശുപത്രിയിൽ നിന്ന് ഡിസ്ചാർജ് ചെയ്യപ്പെട്ടു.

ഓഗസ്റ്റ് 31-ന് മുംബൈയിൽ നടന്ന പ്രതിപക്ഷ ഇന്ത്യാ സഖ്യ യോഗത്തിൽ പങ്കെടുത്തു. മകനും കോൺഗ്രസ് എംപിയുമായ രാഹുൽ ഗാന്ധിയോടൊപ്പം അവർ അവിടെയുണ്ടായിരുന്നു.