മുഖ്യ മന്ത്രിയുടെ മകളുടെ പേരിലുള്ള ആരോപണം വന്നതിനു പിന്നാലെ അതേ കമ്പിനിയിൽ നിന്ന് പണം വാങ്ങിയ രമേശ് ചെന്നിത്തലയും വെട്ടിലായി'പ്രതികരിക്കാതെ പ്രതിപക്ഷ നേതാവ്

തിരുവനന്തപുരം: സിഎംആ‍ര്‍എല്ലിൽ നിന്നും പണം വാങ്ങിയ പട്ടികയിൽ തന്റെ പേരടക്കമുള്ള രേഖകൾ പുറത്ത് വന്നതോടെ സമ്മതിച്ച് കോൺഗ്രസ് നേതാവ് രമേശ് ചെന്നിത്തല.

പാർട്ടി ഫണ്ട് എന്ന രീതിയിലാണ് പണം വാങ്ങിയതെന്നാണ് രമേശ് ചെന്നിത്തലയുടെ വിശദീകരണം. അതു കൃത്യമായി പാര്‍ട്ടി അക്കൗണ്ടുകളില്‍ രേഖപ്പെടുത്തിയിട്ടുണ്ടെന്നും എന്നാല്‍ അത് എത്ര പണമാണ് വാങ്ങിയതെന്ന് ഓര്‍മയിലെന്നും ചെന്നിത്തല വ്യക്തമാക്കി.പ്രത്യുപകാരമായി എം ഡി ശശിധരൻ ക‍ര്‍ത്തയ്ക്ക് ഒരു സഹായവും ചെയ്ത് നൽകിയിട്ടില്ലെന്നും എന്ത് ഉദ്ദേശം വച്ചാണ് ക‍ര്‍ത്ത സംഭാവന നൽകിയതെന്നറിയില്ലെന്നും ചെന്നിത്തല വിശദീകരിച്ചു. 

താൻ ഈ വിഷയത്തിൽ ഒളിച്ചോടിയിട്ടില്ല. വീണയ്ക്ക് പണം നൽകിയത് അഴിമതി തന്നെയാണ്. ഞാൻ പണം വാങ്ങിയത് പാ‍ര്‍ട്ടിക്ക് വേണ്ടിയാണ്. കർത്തയെ പോലുളളവരോട് പണം വാങ്ങിക്കരുതെന്ന വിഎം സുധീരന്റെ പരാമർശത്തിൽ പ്രതികരിക്കാനില്ലെന്നും ചെന്നിത്തല പറഞ്ഞു.