ഡബ്ലിൻ :ഈ വർഷത്തെ ആദ്യ മൂന്ന് മാസങ്ങളെ അപേക്ഷിച്ച് ഏപ്രിൽ മാസം മുതൽ ജൂൺ വരെയുള്ള കാലയളവിൽ അയർലണ്ടിൽ പരസ്യം ചെയ്ത വാടക 2.4% വർദ്ധിച്ചതായി റിപ്പോർട്ടുകൾ.
രണ്ടാം പാദത്തിൽ ഡബ്ലിനിലെയും മറ്റിടങ്ങളിലെയും ട്രെൻഡുകൾ തമ്മിൽ വലിയ തോതിലുള്ള വ്യത്യാസം റിപ്പോർട്ടിൽ കണ്ടെത്തിയതായി പറയുന്നു. ഡബ്ലിനിലെ വാടകനിരക്കിൽ ആദ്യ പാദത്തെ അപേക്ഷിച്ച് രണ്ടാം പാദത്തിൽ വെറും 0.3% വർധനയുണ്ടായി.
%20(2).jpg)
കോർക്ക് നഗരത്തിൽ കഴിഞ്ഞ വർഷം ഇതേ കാലയളവിനെ അപേക്ഷിച്ച് 7.4% ഉയർന്ന് 1,793 യൂറോ ആയിരുന്നു. അതേസമയം ഗാൽവേ നഗരത്തിൽ ശരാശരി വാടക 12.2% വർധിച്ച് €1,867 ആയി. ലിമെറിക്കിലെ വർദ്ധനവ് 11.5% ആണ്. വാട്ടർഫോർഡിൽ നിരക്ക് 12.1% വർധിച്ച് 1,471 യൂറോയിലും എത്തി.
ഒരു വർഷം മുമ്പ് ഇതേ കാലയളവിൽ ഉണ്ടായിരുന്നതിനേക്കാൾ 10.7% കൂടുതലാണ് ഇപ്പോൾ ഓപ്പൺ മാർക്കറ്റിൽ ആവശ്യപ്പെടുന്ന വാടക. വാടക വസ്‌തുക്കളുടെ ലഭ്യത, സപ്ലൈ കുറയുന്നതും ഡിമാൻഡ് ശക്തവുന്നതും, വിലകൾ വർദ്ധിക്കുന്നതിനുള്ള കാരണമാണ്.
എന്നിരുന്നാലും, കഴിഞ്ഞ കുറച്ച് മാസങ്ങളായി, വാടകയ്ക്ക് ലഭ്യമായ വീടുകളുടെ എണ്ണം നേരിയ തോതിൽ വർധിച്ചതിന്റെ സൂചനകളുണ്ടെന്ന് ഡാറ്റ കാണിക്കുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.