ബസ്സിൽ നിറയെ യാത്രക്കാർ; ചീറിയടുത്ത് കാട്ടുകൊമ്പൻ ശേഷം :- വീഡിയോ കാണാം

കര്‍ണാടക: നിറയെ യാത്രക്കാരുള്ള ബസിന് നേര ചീറിയടുത്ത് കാട്ടുകൊമ്പൻ.

കര്‍ണാടകയില്‍ നിന്ന്  ജൂലൈ 24 നു പങ്കു വച്ച വീഡിയോ. ബസിന് നേരെ പാഞ്ഞടുക്കുന്ന കൊമ്പനാന തൊട്ട് അരികിലൂടെ ബസിലുള്ള ആളുകളെ നോക്കിക്കൊണ്ട് നടന്നുപോവുന്ന ദൃശ്യങ്ങളാണ് സുപ്രിയ സാഹു പങ്കുവച്ചിട്ടുള്ളത്. ആന ബസിനെ കടന്നുപോയതിന് പിന്നാലെ ആശ്വാസ ചിരി ചിരിക്കുന്ന യാത്രക്കാരേയും വീഡിയോയില്‍ കാണാന്‍ സാധിക്കും.

ഏതാനും മീറ്ററുകള്‍ മുന്നില്‍ വന്ന കാട്ടുകൊമ്ബന്‍ പെട്ടന്നാണ് ചിന്നം വളിച്ച്‌ റോഡിലെ ബസിന് നേരെ ചീറി വരുന്നത്. എന്നാല്‍ ഹോണ്‍ അടിച്ച്‌ ആനയെ പ്രകോപിപ്പിക്കാന്‍ ശ്രമിക്കാതെ ഡ്രൈവറും ബഹളം കൂട്ടാതെ യാത്രക്കാരും സമചിത്തതയോടെ സാഹചര്യം കൈകാര്യം ചെയ്തത് മൂലം വഴി മാറിയത് വന്‍ അപകടമാണ്. ഐഎഎസ് ഉദ്യോഗസ്ഥയായ സുപ്രിയ സാഹുവാണ് വീഡിയോ പങ്കുവച്ചിരിക്കുന്നത്.

യാത്രക്കാരടേയും ബസ് ജീവനക്കാരുടേയും മനസാന്നിധ്യത്തെ പ്രകീര്‍ത്തിച്ചാണ് വീഡിയോ പങ്കുവച്ചിട്ടുള്ളത്. ഭയന്നെങ്കിലും ബഹളം കൂട്ടാതിരുന്ന യാത്രക്കാരെ അഭിനന്ദിച്ചാണ് വീഡിയോയ്ക്ക് ലഭിക്കുന്ന പ്രതികരണങ്ങളില്‍ ഏറിയ പങ്കും.

When the tusker decided to check out passengers in the bus, everyone led by the bus driver displayed nerves of steel, a great sense of calm and understanding and everything went off well. Video - in Karnataka. Shared by a friend. #coexistence #peopleforelephants pic.twitter.com/OJG4uPRvoi

— Supriya Sahu IAS (@supriyasahuias) July 24, 2023