ഈരാറ്റുപേട്ട കാഞ്ഞിരപ്പള്ളി റോഡിൽ കെഎസ്ആർടിസി ബസ്സിൽ കാർ ഇടിച്ചുണ്ടായ അപകടത്തിൽ യുവാവിന് പരുക്ക്

കോട്ടയം;ഈരാറ്റുപേട്ട കാഞ്ഞിരപ്പള്ളി റോഡിൽ കെഎസ്ആർടിസി ബസ്സിൽ കാർ ഇടിച്ചുണ്ടായ അപകടത്തിൽ യുവാവിന് പരിക്കേറ്റു. രാവിലെ  കാളകെട്ടി ടൗണിന് സമീപമാണ് അപകടമുണ്ടായത്. അപകടത്തിൽ കാഞ്ഞിരപ്പള്ളി സ്വദേശി നന്ദുവിന് പരിക്കേറ്റു.

മറ്റൊരു വാഹനത്തെ മറികടക്കുന്നതിനിടയിൽ കാർ എതിരെ വന്ന കെഎസ്ആർടിസി ബസിൽ ഇടിക്കുകയായിരുന്നു. മൂവാറ്റുപുഴയിൽ നിന്നും തേക്കടിയിലേക്ക് പോവുകയായിരുന്നു കെഎസ്ആർടിസി ബസ്.

അപകടത്തിൽ നന്ദുവിന് സാരമായി പരിക്കേറ്റു.തിടനാട് പോലീസ് സ്ഥലത്തെത്തിയാണ് രക്ഷാപ്രവർത്തനം നടത്തിയത്. പരിക്കേറ്റ നന്ദുവിനെ പോലീസാണ് കാഞ്ഞിരപ്പള്ളി ജനറൽ ആശുപത്രിയിൽ പ്രവേശിപ്പിച്ചത്. യുവാവിനെ പിന്നീട് സ്വകാര്യ ആശുപത്രിയിലേക്ക് മാറ്റി.