തൃശൂരില്‍ ഭൂചലനം

തൃശ്ശൂര്‍: തൃശൂരില്‍ ഭൂചലനം. കല്ലൂര്‍, ആമ്പല്ലൂര്‍ മേഖലയിലാണ് നേരിയ ഭൂചലനം ഉണ്ടായതായി പ്രദേശവാസികള്‍ പറയുന്നത്.

രാവിലെ 8.16 നായിരുന്നു സംഭവം. രണ്ട് സെക്കന്‍ഡില്‍ താഴെ മാത്രമാണ് ഈ പ്രതിഭാസം അനുഭവപ്പെട്ടത്. പുതുക്കാട്, കല്ലൂര്‍, ആമ്പല്ലൂര്‍ മേഖലയില്‍ ഭൂമിക്കടിയില്‍ നിന്ന് മുഴക്കവും പ്രകമ്പനവും അനുഭവപ്പെട്ടു.

ഇത് ഭൂമികുലക്കമാണോ എന്ന് സ്ഥിരീകരിച്ചിട്ടില്ല. അതേ സമയം സംഭവത്തില്‍ ആശങ്ക വേണ്ടെന്നും പ്രദേശത്ത് നിരീക്ഷണം തുടരുമെന്നും ജില്ലാ ഭരണകൂടം അറിയിച്ചു