കൺസഷന്റെ പേരിൽ വിദ്യാർഥിയെ ബസ്സിൽ നിന്നും തള്ളിയിട്ട് പരുക്കേൽപ്പിച്ച കണ്ടക്ടർക്കെതിരെ നടപടി വേണമെന്ന് സജി മഞ്ഞക്കടമ്പിൽ.

കോട്ടയം :മുത്തോലി ടെക്നിക് സ്കൂൾ എട്ടാം ക്ലാസ് വിദ്യാർത്ഥിയായ കടനാട് ഒറ്റപ്ലാക്കൽ ജെയ്സിയുടെ മകൻ ആൻജോയെ

കൺസഷന്റെ പേരിൽ ബസ്സിൽ നിന്നും തള്ളി വിഴ്ത്തി പരിക്കേൽപ്പിച്ച് ബസ് കണ്ടക്ടർക്കെതിരെ നടപടി എടുക്കണമെന്നും

കൺസഷൻ പേരിൽ വിദ്യാർഥികൾക്ക് എതിരെ നടക്കുന്ന ഇത്തരം പീഡനങ്ങൾ അവസാനിപ്പിക്കാൻ ശക്തമായ നടപടികൾ സ്വീകരിക്കാൻ അധികാരികൾ തയാറകണമെന്നും സജി ആവശ്യപ്പെട്ടു.

പരിക്കേറ്റ വിദ്യാർത്ഥിയെ വീട്ടിൽ എത്തി സന്ദർശിച്ച് ശേഷം സംസാരിക്കുകയായിരുന്നു അദ്ദേഹം.

കേരള കോൺഗ്രസ് കോട്ടയം ജില്ലാ സെക്രട്ടറി രാജൻ കുളങ്ങര, കേരള കോൺഗ്രസ് കടനാട് മണ്ഡലം സെക്രട്ടറി ജോയ്സ് പുതിയ മഠത്തിലും ഒപ്പമുണ്ടായിരുന്നു.

കുറ്റക്കാർക്കെതിരെ നടപടി സ്വീകരിച്ചില്ലെങ്കിൽ കേരള കോൺഗ്രസ് സമരം ശക്തമാക്കുമെന്നും സജി പറഞ്ഞു.