കഥാപാത്രങ്ങളിലൂടെ പ്രേക്ഷകരെ രസിപ്പിച്ച നടൻ ഹരീഷ് പെങ്കൻ, വേദനകള്‍ തളർത്തിയ ലോകത്ത് നിന്നും യാത്രയായി

മലയാള സിനിമയിൽ അടുത്തിടെ നിരവധി സിനിമകളിൽ ഹാസ്യ കഥാപാത്രങ്ങളിലൂടെ പ്രേക്ഷകരെ രസിപ്പിച്ച നടൻ ഹരീഷ് പെങ്കൻ അന്തരിച്ചു.

ഗുരുതരമായ കരൾ രോഗത്തെ തുടർന്ന് കൊച്ചിയിലെ സ്വകാര്യ ആശുപത്രിയിൽ ചികിത്സയിലായിരുന്നു. മെയ് ആദ്യവാരം വയറുവേദനയെ തുടർന്ന് ആശുപത്രിയിൽ പ്രവേശിപ്പിച്ചപ്പോഴാണ് കരൾ രോഗമാണെന്ന് കണ്ടെത്തിയത്. 

ശേഷം മോളിവുഡ് നടൻ ഹരീഷ് പെങ്കൻ വളരെ കാലമായി കരൾ രോഗബാധിതനായി  കൊച്ചിയിലെ സ്വകാര്യ ആശുപത്രിയിൽ ചികിത്സയില്‍ ആയിരുന്നു. 

മഹേഷിന്റെ പ്രതികാരം, മിന്നൽ മുരളി തുടങ്ങിയ ചിത്രങ്ങളിലൂടെയാണ് താരം അറിയപ്പെടുന്നത്. 2011മുതല്‍ മലയാള ചലച്ചിത്രരംഗത്ത് സജീവമായ താരമാണ് ഹരീഷ് പേങ്ങന്‍. നോട്ട് ഔട്ടാണ് ആദ്യ ചിത്രം. മഹേഷിന്റെ പ്രതികാരം, ഷഫീക്കിന്റെ സന്തോഷം, ഹണീ ബി 2.5, വെള്ളരിപ്പട്ടണം, ജാനേ മൻ, ജയ ജയ ജയ ഹേ, പ്രിയൻ ഓട്ടത്തിലാണ്, ജോ&ജോ, മിന്നൽ മുരളി തുടങ്ങി നിരവധി സിനിമകളില്‍ താരം അഭിനയിച്ചിട്ടുണ്ട്. പൂക്കാലമാണ് ഹരീഷ് പേങ്ങന്റേതായി റിലീസായ അവസാന ചിത്രം

കരൾ മാറ്റിവയ്ക്കൽ ശസ്ത്രക്രിയയ്ക്ക് ഹരീഷിന്റെ സുഹൃത്തുക്കൾ സോഷ്യൽ മീഡിയ വഴി സഹായം തേടി. ഹരീഷിന് ഡോക്ടർമാർ കരള്‍മാറ്റ ശസ്ത്രക്രിയ നിർദേശിച്ചതായുള്ള റിപ്പോർട്ടുകള്‍ നേരത്തെ പുറത്ത് വന്നിരുന്നു. ഹരീഷിന്റെ ഇരട്ട സഹോദരിയായ ശ്രീജ കരള്‍ ദാനത്തിന് തയ്യാറുമായിരുന്നു. എന്നാല്‍ ശസ്ത്രക്രിയയ്ക്കായി വലിയ തുകയാണ് വേണ്ടത് എന്നും അതിന് സഹായിക്കണം എന്നും അഭ്യര്‍ത്ഥിച്ചായിരുന്നു ഹരീഷിന്റെ സുഹൃത്തുക്കള്‍ സാമൂഹ്യ മാധ്യമങ്ങളിലൂടെ രംഗത്ത് വന്നത്.

കരൾ സംബന്ധമായ അസുഖത്തെ തുടർന്ന് മുമ്പ് കൊച്ചിയിലെ അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലെ തീവ്രപരിചരണ വിഭാഗത്തിൽ (ഐസിയു) ചികിത്സ തേടി യിരുന്നപ്പോള്‍ ഹരീഷ് പെങ്കന്റെ സഹപ്രവർത്തകനും നടനുമായ നന്ദൻ ഉണ്ണി  സോഷ്യൽ മീഡിയയിൽ ഒരു നീണ്ട കുറിപ്പ് എഴുതി, നടന്റെ ചികിത്സയ്ക്കായി സഹായം അഭ്യർത്ഥിച്ചിരുന്നു.

 ഹരീഷിന്റെ സാമ്പത്തിക ഭദ്രത എത്രമാത്രം ഉണ്ട് എന്ന് ഇതു വായിക്കുന്നവർക്ക് മനസ്സിലാക്കാവുന്നതേയുള്ളൂ. ഹരീഷിനെ പോലെ ചെറിയ വേഷങ്ങൾ അഭിനയിക്കുന്ന ഒരു കലാകാരന് മലയാള സിനിമയിൽ നിന്ന് എന്ത് പ്രതിഫലം കിട്ടുമെന്ന് സിനിമയെ അറിയാവുന്ന എല്ലാവർക്കും അറിയാം. സ്വന്തമായി 5 സെൻറ് സ്ഥലവും (ആ സ്ഥലവും ബാങ്കിൽ പണയത്തിലാണ്) ഒരു ചെറിയ ചായക്കടയും ആണ് ഹരീഷിന് സമ്പാദ്യമായി ആകെ ഉള്ളത്. കൊച്ചിയില്‍ ചികിത്സ തുടരുന്നതിനിടെയാണ് മരണം സംഭവിക്കുന്നത്.