തന്നെ സന്ദര്‍ശിക്കാന്‍ ചാള്‍സ് രാജാവിന് കത്തെഴുതി കാത്തിരിക്കുന്നു കഴിഞ്ഞ നാല് വര്‍ഷത്തിലധികമായി ബെല്‍മാര്‍ഷ് ജയിലില്‍ കഴിയുന്ന വിക്കിലീക്സ് സ്ഥാപകന്‍ ജൂലിയന്‍ അസാന്‍ജ്. താന്‍ നാല് വര്‍ഷത്തിലേറെയായി 'നാണംകെട്ട വിദേശ പരമാധികാരിക്ക് വേണ്ടി' തടവിൽ കഴിയുന്നു എന്നാണ് കത്തില്‍ അസാന്‍ജ് കുറ്റപ്പെടുത്തുന്നത്.
ഓസ്ട്രേലിയന്‍ പത്രപ്രവര്‍ത്തകനും വിക്കിലീക്സ് സ്ഥാപകനുമായ ജൂലിയന്‍ അസാന്‍ജ്, ലണ്ടനിലെ ബെല്‍മാര്‍ഷ് ജയിലില്‍ കഴിഞ്ഞതിന് ശേഷം എഴുതിയതും പ്രസിദ്ധീകരിച്ചതുമായ ആദ്യത്തെ രേഖയാണ് ഈ കത്ത്.
''എന്റെ ലീജിന്റെ കിരീടധാരണ വേളയില്‍, ഒരു രാജ്യത്തിനുള്ളിലെ നിങ്ങളുടെ സ്വന്തം രാജ്യം സന്ദര്‍ശിച്ചുകൊണ്ട്' ഈ സുപ്രധാന സന്ദര്‍ഭം അനുസ്മരിക്കുന്നതിന് ഹൃദയംഗമമായ ഒരു ക്ഷണം നിങ്ങൾക്ക് ഞാൻ നൽകുന്നു. ഒരു രാജ്യം അല്ലങ്കിൽ സമൂഹം അവിടുത്തെ തടവുകാരോട് എങ്ങനെ പെരുമാറുന്നു എന്നതിലൂടെ ഒരാള്‍ക്ക് അതിന്റെ അളവ് ശരിക്കും അറിയാന്‍ കഴിയും.
നിങ്ങളുടെ രാജ്യം തീര്‍ച്ചയായും ഇക്കാര്യത്തില്‍ മികച്ചതാണ്. ഇവിടെയാണ് നിങ്ങളുടെ വിശ്വസ്തരായ 687 പ്രജകള്‍ തടവിലായിരിക്കുന്നത്. പടിഞ്ഞാറന്‍ യൂറോപ്പിലെ ഏറ്റവും വലിയ ജയില്‍ ജനസംഖ്യയുള്ള രാഷ്ട്രമെന്ന യുണൈറ്റഡ് കിംഗ്ഡത്തിന്റെ റെക്കോര്‍ഡിനെ പിന്തുണയ്ക്കുന്നു.'
ഒരു നൂറ്റാണ്ടിലേറെയായി ജയില്‍ സ്ഥലങ്ങളുടെ ഏറ്റവും വലിയ വിപുലീകരണം നടത്താനുള്ള യുകെ സര്‍ക്കാരിന്റെ പ്രതിബദ്ധതയെയും പ്രതിദിനം രണ്ട് പൗണ്ട് ബജറ്റില്‍ ഭക്ഷണം കഴിക്കുന്നതിന്റെ 'പാചക സവിശേഷതയെയും അദ്ദേഹം പരിഹാസത്തോടെ ചൂണ്ടിക്കാണിക്കുന്നു.
ഒരു രാഷ്ട്രീയ തടവുകാരന്‍ എന്ന നിലയില്‍, നാണംകെട്ട ഒരു വിദേശ പരമാധികാരിയുടെ പേരില്‍ തടവിലാക്കപ്പെട്ടതിനാല്‍ ഈ ലോകോത്തര സ്ഥാപനത്തിന്റെ ചുവരുകള്‍ക്കുള്ളില്‍ താമസിക്കുന്നതില്‍ ഞാന്‍ അഭിമാനിക്കുന്നു,' അസാന്‍ജ് എഴുതുന്നു.
അഫ്ഗാനിസ്ഥാന്‍, ഇറാഖ് യുദ്ധങ്ങളെയും നയതന്ത്ര കേബിളുകളെയും കുറിച്ച് ചോര്‍ന്ന ലക്ഷക്കണക്കിന് രേഖകളുടെ പ്രസിദ്ധീകരണവുമായി ബന്ധപ്പെട്ട് നിയമ നടപടികൾക്ക് തന്നെ കൈമാറാനുള്ള യുഎസ് അധികൃതരുടെ ശ്രമത്തിനെതിരെ പോരാടുന്നതിനിടെയാണ് ഓസ്ട്രേലിയന്‍ പൗരനായ അസാന്‍ജ് ബെല്‍മാര്‍ഷിലെ ജയിലിലായത്.
അസാന്‍ജ് പറയുന്നു ''ആഹ്ലാദകരമായ ആനന്ദങ്ങള്‍ക്കപ്പുറം .' ബോള്‍സോനാരോയുടെ ബ്രസീലിലേക്ക് നാടുകടത്തല്‍ നേരിടുന്ന സ്വവര്‍ഗ്ഗാനുരാഗിയായ എന്റെ അന്തരിച്ച സുഹൃത്ത് മനോയല്‍ സാന്റോസിന് ആദരാഞ്ജലികള്‍ അര്‍പ്പിക്കാനും നിങ്ങള്‍ക്ക് അവസരമുണ്ട്.
സൂക്ഷ്മമായി കേള്‍ക്കുക, തടവുകാരുടെ 'സഹോദരാ, ഞാന്‍ ഇവിടെ മരിക്കാന്‍ പോകുന്നു' എന്ന നിലവിളി നിങ്ങള്‍ക്ക് കേള്‍ക്കാം. ഇത് നിങ്ങളുടെ ജയിലിനുള്ളിലെ ജീവിതത്തിന്റെയും മരണത്തിന്റെയും ഗുണനിലവാരത്തിന്റെ തെളിവാണ് 'എന്ന് അസാന്‍ജ് കത്തിൽ പറയുന്നു.
''ചാള്‍സ് രാജാവേ, ഹിസ് മജസ്റ്റിയുടെ ജയില്‍ ബെല്‍മാര്‍ഷ് സന്ദര്‍ശിക്കാന്‍ ഞാന്‍ നിങ്ങളോട് അഭ്യര്‍ത്ഥിക്കുന്നു, കാരണം ഇത് ഒരു രാജാവിന് അര്‍ഹമായ ഒരു ബഹുമതിയാണ്. നിങ്ങളുടെ ഭരണം ആരംഭിക്കുമ്പോള്‍, കിംഗ് ജെയിംസ് ബൈബിളിലെ വാക്കുകള്‍ നിങ്ങള്‍ എപ്പോഴും ഓര്‍ക്കട്ടെ: 'കരുണയുള്ളവര്‍ ഭാഗ്യവാന്മാര്‍, അവര്‍ കരുണ പ്രാപിക്കും'. ബെല്‍മാര്‍ഷിന്റെ മതിലുകള്‍ക്കകത്തും അല്ലാതെയും കരുണ നിങ്ങളുടെ രാജ്യത്തിന്റെ വഴികാട്ടിയായിരിക്കട്ടെ.''
ഓസ്ട്രേലിയന്‍ പ്രതിപക്ഷ നേതാവ് പീറ്റര്‍ ഡട്ടണ്‍ ഇന്നലെ അസാന്‍ജിന്റെ ശിക്ഷ അവസാനിപ്പിക്കേണ്ടതുണ്ടെന്ന് പ്രധാനമന്ത്രി ആന്റണി അല്‍ബാനീസിനോട് ആവസ്യപ്പെട്ടിരുന്നു. വിഷയം ഒരു നിഗമനത്തിലെത്തേണ്ടതുണ്ടെന്നും നയതന്ത്ര മാര്‍ഗങ്ങളിലൂടെ താന്‍ അത് ഉന്നയിക്കുന്നത് തുടരുകയാണെന്നും ചാള്‍സ് രാജാവിന്റെ കിരീടധാരണത്തില്‍ പങ്കെടുക്കുന്ന യുകെയിലെ മാധ്യമപ്രവര്‍ത്തകരോട് അല്‍ബനീസ് പറഞ്ഞു.
''അസാഞ്ചിന്റെ മാനസികാരോഗ്യത്തെക്കുറിച്ച് എനിക്ക് ആശങ്കയുണ്ട്. യുകെയില്‍ ഒരു കോടതി വിധി ഉണ്ടായിരുന്നു. അത് അപ്പീലില്‍ അസാധുവാക്കപ്പെട്ടുഎന്ന് അദ്ദേഹം കൂട്ടിച്ചേര്‍ത്തു.
ഓസ്ട്രേലിയന്‍ രാഷ്ട്രീയക്കാരുടെ ഒരു വിഭാഗം കഴിഞ്ഞ കുറച്ച് വര്‍ഷങ്ങളായി തങ്ങളുടെ സഹപ്രവര്‍ത്തകരുമായും അന്താരാഷ്ട്ര സഹപ്രവര്‍ത്തകരുമായും ആഭ്യന്തരമായി വിഷയം ഉന്നയിക്കുകയും അസാന്‍ജിന്റെ മോചനത്തിനായി അണിനിരക്കുകയും ചെയ്യുകയാണ്. 50 ഓളം ഫെഡറല്‍ പാര്‍ലമെന്റേറിയന്‍മാര്‍ അദ്ദേഹത്തെ അമേരിക്കക്ക് കൈമാറാനുള്ള ശ്രമം ഉപേക്ഷിക്കണമെന്ന് ആവശ്യപ്പെട്ടിട്ടുമുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.