വൈക്കം:കെഎസ്ആർറ്റിസിയിൽ ശമ്പളം ലഭിക്കാത്തതിനാൽ പ്രതിഷേധം രേഖപെടുത്തിയ കെഎസ്ആർടിസി ജീവനക്കാരി അഖില എസ് നായരുടെ ഭവനം ബിജെപി മധ്യമേഖല പ്രസിഡന്റ് എൻഹരി സന്ദർശിച്ചു.
.jpg)
ക്യാൻസർ അതിജീവിതയായ അഖില വലിയ രീതിയിലുള്ള സാമ്പത്തിക പരാധീനത മൂലം ബുദ്ധിമുട്ടിയതിനാലാണ് പ്രതിഷേധം രേഖപെടുത്തുന്നതിനായി തീരുമാനിച്ചത്. എന്നാൽ നടപടികൾക്ക് വിധേയമായി അഖിലയ്ക്ക് സ്ഥലം മാറ്റം നൽകുകയാണ് കെഎസ്ആർറ്റിസി ചെയ്തത്.
സ്ത്രീപക്ഷ കേരളത്തിന് അപമാനമാണ് ഇത്തരം നടപടികളെന്നും, ക്യാൻസർ സർവൈവർ ആയ ഒരു യുവതിയെ അവരുടെ സാമ്പത്തിക സാഹചര്യം മൂലം നടത്തേണ്ടി വന്ന ഒരു സമരത്തിന്റെ പേരിൽ പിണറായി വിജയന്റെ സർക്കാർ ദ്രോഹിക്കുകയാണെന്നും, ശ്രീമതി അഖില എസ് നായർക്ക് ഭാരതീയ ജനത പാർട്ടിയുടെ എല്ലാവിധ പിന്തുണയും സമരത്തിൽ ഉണ്ടാകുമെന്നും ഹരി വൈക്കത്ത് പറഞ്ഞു.
.jpeg)
ഇരുന്നൂറിലധികം വരുന്ന കെഎസ്ആർടിസി ജീവനക്കാരുടെ ആത്മഹത്യ ശ്രമങ്ങൾ കേരള സർക്കാർ കണ്ടില്ലെന്ന് നടിക്കുകയാണ് ഈ വിഷയത്തിൽ ശക്തമായ പ്രതിഷേധം രേഖപ്പെടുന്നതായും എൻ ഹരി അറിയിച്ചു.
ബിജെപി മധ്യമേഖല പ്രസിഡന്റ് എൻ ഹരി, മണ്ഡലം പ്രസിഡന്റ് പി ആർ സുഭാഷ്, ജനറൽ സെക്രട്ടറിമാരായ എം കെ മഹേഷ്‌, ഗൗദം കൃഷ്ണ, ടീവിപുരം പഞ്ചായത്ത്‌ പ്രസിഡന്റ് ജയൻ കാട്ടെഴത്ത്, ജനറൽ സെക്രട്ടറി ബിനു വിജയൻ ബിഎംഎസ് കോട്ടയം ജില്ലാ വൈസ് പ്രസിഡന്റ് ആർ സുനിൽകുമാർ, ബിഎംഎസ് വൈക്കം യൂണിറ്റ് പ്രസിഡന്റ് റ്റി എൻ ലാലപ്പൻ, ബിജെപി ടീവിപുരം പഞ്ചായത്ത്‌ കമ്മിറ്റി അംഗം സാബു കുളത്തുങ്കൽ എന്നിവർ ഒപ്പം ഉണ്ടായിരുന്നു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.