കോഴിക്കോട്: താമരശ്ശേരിയില് പ്രവാസിയെ തട്ടിക്കൊണ്ട് പോയ കേസില് കസ്റ്റഡിയിലായിരുന്ന നാലുപേരുടെ അറസ്റ്റ് രേഖപ്പെടുത്തി. ഇസ്മായില് ആസിഫ്, ഹുസൈന്, മുഹമ്മദ് നൗഷാദ്, അബ്ദുറഹ്മാന് എന്നിവരുടെ അറസ്റ്റാണ് രേഖപ്പെടുത്തിയത്. ഷാഫിയെ തട്ടിക്കൊണ്ടു പോയ സംഘവുമായി ഇവര്ക്ക് നേരിട്ടു ബന്ധമുണ്ടെന്നാണ് സൂചന.
തട്ടിക്കൊണ്ടു പോകുന്നതിന് മുമ്പ് ഇവര് താമരശ്ശേരിയിലും ഷാഫിയുടെ വീടിന്റെ പരിസരത്തും എത്തിയിരുന്നു. ഷാഫിയെ തട്ടിക്കൊണ്ടു പോയ കാറിലായിരുന്നു ഇവര് എത്തിയതെന്ന് സിസിടിവി ദൃശ്യങ്ങളില് നിന്നും അന്വേഷണ സംഘത്തിന് വ്യക്തമായിരുന്നു. മുഹമ്മദ് ഷാഫിയെ തട്ടിക്കൊണ്ട് പോകുന്നതിന് രണ്ടാഴ്ച മുമ്പുള്ള ദൃശ്യങ്ങളായിരുന്നു പുറത്തുവന്നത്.
ഹുസൈനാണ് സംഘത്തിന് കാര് വാടകയ്ക്ക് എടുത്ത് നല്കിയത്. തട്ടിക്കൊണ്ടുപോകുന്നതിന് രണ്ടാഴ്ച മുമ്പാണ് സംഘം നിരീക്ഷണത്തിനായി പരപ്പന്പൊയില് ഭാഗത്ത് എത്തിയത്. കാര് നേരത്തെ പൊലീസ് കസ്റ്റഡിയില് എടുത്തിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.