ആലപ്പുഴ: കുട്ടനാട്ടിൽ പൊതുവഴിയും പൊതുകിണറും സാമൂഹ്യവിരുദ്ധർ നശിപ്പിച്ചതായി പരാതി. പുളിങ്കുന്ന് ഗ്രാമ പഞ്ചായത്ത് 13-ാം വാർഡിൽ മങ്കൊമ്പ് മിനി സിവിൽ സ്റ്റേഷൻ പാലത്തിനു സമീപത്താണ് സംഭവം. കഴിഞ്ഞ പത്ത് വർഷമായി ഈ പൊതുകിണറിൽ നിന്നുള്ള വെള്ളം മോട്ടോർ ഉപയോഗിച്ച് പമ്പ് ചെയ്തെടുത്താണ് ഇരുപതോളം കുടുംബങ്ങൾ പാചക ആവശ്യങ്ങൾക്കടക്കം ഉപയോഗിക്കുന്നത്.
ഉപഭോക്താക്കൾ ചേർന്ന് ഈയിടക്ക് കിണറും അനുബന്ധ പൈപ്പ് ലൈനുകളും പുനരുദ്ധരിക്കുകയും പൊതുവഴി പൂർവ്വ സ്ഥിതിയിലാക്കുകയും ചെയ്തിരുന്നു. എന്നാൽ അന്ന് രാത്രി വഴിയുടെ ഉപഭോക്താക്കൾ കൂടിയായ ചിലർ വഴിയിലിട്ട മണ്ണ് വെട്ടി മാറ്റുകയും കിണർ മലിനമാക്കുകയും ചെയ്തുവെന്നാണ് പരാതിക്കാർ പറയുന്നത്.
സംഭവത്തിന്റെ ദൃശ്യങ്ങൾ സമീപത്ത് പാർക്ക് ചെയ്തിരുന്ന കാറിലെ സിസിടിവി ക്യാമറയിൽ നിന്നും ലഭിച്ചിട്ടുണ്ട്. ഒരു സ്ത്രീയും പുരുഷനും ചേർന്നു മണ്ണ് വെട്ടി മാറ്റുന്നതാണ് ദൃശ്യത്തിൽ വ്യക്തമാകുന്നത്. ഇവർക്കെതിരെ നിയമ നടപടി ആവശ്യപ്പെട്ട് പ്രദേശവാസികൾ പൊലീസിൽ പരാതി നൽകിയിട്ടുണ്ട്. പൊതുകിണറിന്റെയും വഴിയുടെയും ഉപഭോക്താക്കളാണ് പരാതി നൽകിയിരിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.