കസ്റ്റഡിയില്‍ നിന്ന് രക്ഷപ്പെടാന്‍ ശ്രമിച്ച രണ്ട് മോഷണക്കേസ് പ്രതികളെ പൊലീസ് വെടിവെച്ച് വീഴ്ത്തി

 ചെന്നൈ: തിരുച്ചിറപ്പള്ളിയില്‍ കസ്റ്റഡിയില്‍ നിന്ന് രക്ഷപ്പെടാന്‍ ശ്രമിച്ച രണ്ട് മോഷണക്കേസ് പ്രതികളെ പൊലീസ് വെടിവെച്ച് വീഴ്ത്തി. വണ്ണാരപ്പേട്ട പുത്തൂര്‍ എംജിആര്‍ നഗര്‍ സ്വദേശി ദുരൈസാമി(40), സഹോദരന്‍ സോമസുന്ദരം(38) എന്നിവര്‍ക്ക് നേരെയാണ് വെടിയുതിര്‍ത്തത്. തെളിവെടുപ്പിനിടെ രക്ഷപ്പെടാന്‍ ശ്രമിച്ചതിനിടെയാണ് പ്രതികളുടെ കാല്‍മുട്ടിന് താഴെ വെടിവെച്ച് പിടികൂടിയത്. സംഭവത്തില്‍ പരുക്കേറ്റ പ്രതികളും മൂന്ന് പൊലീസുകാരും ഉള്‍പ്പെടെ അഞ്ച് പേര്‍ ചികിത്സയിലാണ്.

തിരുച്ചിറപ്പള്ളി വരയ്യൂരിലെ വീട്ടില്‍ നിന്ന് 30 പവനും അഞ്ച് ലക്ഷം രൂപയും കവര്‍ന്ന കേസിലാണ് ഇവര്‍ അറസ്റ്റിലാകുന്നത്. തുടര്‍ന്ന് ഇന്‍സ്‌പെക്ടര്‍ മോഹന്റെ നേതൃത്വത്തിലുള്ള പ്രത്യേക സംഘം ഇന്നലെ പുലര്‍ച്ചെ ഇവരെ തെളിവെടുപ്പിനായി കൊണ്ടുപോവുകയായിരുന്നു. മോഷണ വസ്തുക്കള്‍ കണ്ടെത്താന്‍ സമീപത്തെ ക്ഷേത്രത്തിനടുത്തെത്തിയപ്പോള്‍ ദുരൈസാമി പൊലീസ് ഡ്രൈവ്രര്‍ ചന്ദ്രശേഖറിന്റെ കഴുത്തില്‍ പിടിച്ച് ജീപ്പിന്റെ സ്റ്റിയറിങ് വളക്കുകയായിരുന്നു. ഇതോടെ നിയന്ത്രണം വിട്ട വാഹനം സമീപത്തെ കമ്പിവേലിയില്‍ ഇടിച്ചു. 

തുടര്‍ന്ന് ദുരൈസാമിയും സോമസുന്ദരവും തൊണ്ടിമുതലായി ജീപ്പില്‍ സൂക്ഷിച്ചിരുന്ന ആയുധങ്ങളുമായി ഓടിരക്ഷപ്പെട്ടു. ഇവരെ തടയാന്‍ ശ്രമിച്ച രണ്ട് പൊലീസുകാരെ വെട്ടിവീഴ്ത്തിയതോടെയാണ് ഇന്‍സ്‌പെക്ടര്‍ പ്രതികളുടെ കാല്‍മുട്ടിന് താഴെ വെടിയുതിര്‍ത്തതെന്ന് പൊലീസ് പറഞ്ഞു. ഇരുവരുടെയും പേരില്‍ വേറെയും കേസുകളുണ്ടെന്നും പൊലീസ് അറിയിച്ചു.


🔰അനാവശ്യ പ്രതികരണങ്ങൾ ഒഴിവാക്കുക
🔔ഡെയ്‌ലി മലയാളി ന്യൂസ് JOIN     

"'എവിടെ പ്രാർഥിച്ചിട്ടും കാര്യമില്ല ശിക്ഷിക്കപ്പെടും,നടന്നത് കോടാനു കോടികളുടെ കൊള്ള..!! '', Watch the video #crime

അർത്തുങ്കൽ പള്ളിയിലെ ആരും കാണാത്ത ചരിത്ര രഹസ്യം..!

 വാർത്തകൾ 💬 നേരത്തെ അറിയൂ .. എല്ലാവരിലേക്കും എത്തിക്കൂ SUBCRIBE         
ഡെയ്‌ലി മലയാളി ന്യൂസ് വാർത്തകൾ 💬 അയയ്ക്കാൻ &  പരസ്യങ്ങൾക്ക് 📩 : dailymalayalyinfo@gmail.com ☎: +918606657037

buttons=(Accept !) days=(20)

Our website uses cookies to enhance your experience. Learn More
Accept !