യൂറോപ്പിൽ യാത്രാവിമാനങ്ങൾക്ക് നേരെ വീണ്ടും വ്യപകമായ ബോംബ് ഭീഷണി.
ഒരാഴ്ചയ്ക്കിടെ രണ്ടാം തവണയുണ്ടായ വ്യാജ ഭീഷണിയെത്തുടർന്ന് യൂറോപ്പിലുടനീളം വിമാന സർവീസുകൾ താറുമാറായി. വ്യാഴാഴ്ച അയർലൻഡ് മുതൽ ബൾഗേറിയ വരെയുള്ള നിരവധി സർവീസുകളെയാണ് വ്യാജ സന്ദേശങ്ങൾ ബാധിച്ചത്.
ഭീഷണിയെത്തുടർന്ന് ഡബ്ലിനിൽ നിന്ന് റോമിലേക്ക് പുറപ്പെട്ട എയർ ലിംഗസ് വിമാനം (EI402) മുൻകരുതലിന്റെ ഭാഗമായി ഫ്രാൻസിലെ നോർമണ്ടി എയർബേസിലേക്ക് തിരിച്ചുവിട്ടു.
ഹെൽസിങ്കിയിൽ നിന്ന് റോമിലേക്ക് പോയ ഫിൻഎയർ വിമാനത്തെ ഇറ്റാലിയൻ വ്യോമസേനയുടെ യുദ്ധവിമാനങ്ങൾ അനുഗമിച്ചാണ് റോം ഫിയുമിസിനോ വിമാനത്താവളത്തിൽ സുരക്ഷിതമായി ഇറക്കിയത്. കൂടാതെ മിലാനിൽ നിന്ന് വാഴ്സോയിലേക്ക് പോയ വിസ് എയർ വിമാനം വിയന്നയിലേക്ക് തിരിച്ചു വിടുകയും റയൻ എയർ അടക്കമുള്ള മറ്റ് വിമാനക്കമ്പനികളുടെ സർവീസുകൾ അടിയന്തര പരിശോധനകൾക്ക് വിധേയമാക്കുകയും ചെയ്തു.
ചൊവ്വാഴ്ചയും സമാനമായ രീതിയിൽ വിമാനങ്ങൾക്ക് നേരെ ഭീഷണികൾ ഉണ്ടായിരുന്നു. തുടർച്ചയായി വ്യോമഗതാഗതം തടസ്സപ്പെടുത്തുന്ന സന്ദേശങ്ങൾക്ക് പിന്നിൽ പ്രവർത്തിച്ചവരെ കണ്ടെത്താൻ യൂറോപ്യൻ സുരക്ഷാ ഏജൻസികൾ അന്വേഷണം ഊർജ്ജിതമാക്കിയിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.