തടാകത്തില്‍ കുളിക്കാൻ ഇറങ്ങിയപ്പോൾ അപകടം: കുട്ടികൾ ഉൾപ്പെടെ 5 പേർക്ക് ദാരുണാന്ത്യം,

ചെന്നൈ: തമിഴ്നാട്‌ തിരുവണ്ണാമലയില്‍ തടാകത്തില്‍ കുളിക്കാൻ ഇറങ്ങിയ 4  പെണ്‍കുട്ടികള്‍ അടക്കം 5 പേർ മുങ്ങി മരിച്ചു.

സർക്കാർ ഹോസ്റ്റലില്‍ താമസിച്ച്‌ പഠിക്കുന്ന കുട്ടികളും ഹോസ്റ്റല്‍ ജീവനക്കാരിയും ആണ് മരിച്ചത്. ദീപാവലി അവധി ആയതിനാല്‍ സമുദ്രം തടാകത്തില്‍ കുളിക്കാൻ എത്തിയപ്പോള്‍ ആണ് അപകടം. 13നും 16നും ഇടയില്‍ പ്രായമുള്ള കുട്ടികള്‍ ആണ് മരിച്ചത്. 

3 പേർക്ക് നീന്തല്‍ അറിയില്ലായിരുന്നു എന്നാണ് റിപ്പോർട്ട്. 10 പേരടങ്ങുന്ന സംഘം ആണ് എത്തിയത്. മൃതദേഹം പോസ്റ്റ്‌മോർട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും. പൊലീസ് കേസെടുത്തു.