ന്യൂഡൽഹി: പ്രതിപക്ഷത്തിന്റെ എസ്‌ഐആർ വിരുദ്ധ പ്രക്ഷോഭങ്ങള്‍ക്ക് മറുപടിയായുള്ള പദയാത്രകള്‍ സജീവമാക്കി ബിജെപി. ഇന്നലെ നാല് സംസ്ഥാനങ്ങളില്‍ നേതാക്കള്‍ പദയാത്രകള്‍ നടത്തി.
ഉത്തർ പ്രദേശിലെ ഗാസിയാബാദില്‍ മുഖ്യമന്ത്രി യോഗി ആദിത്യനാഥിന്റെ നേതൃത്വത്തിലും, ഹരിയാനയിലെ കർണാലില്‍ അമിത് ഷായും, തെലങ്കാനയിലെ കരീംനഗറില്‍ ബിജെപി ദേശീയ അധ്യക്ഷൻ നിതിൻ നവീനും, രാജസ്ഥാനിലെ ജയ്പൂരില്‍ കേന്ദ്രമന്ത്രി അശ്വിനി വൈഷ്ണവുമാണ് പദയാത്രകള്‍ നയിച്ചത്.
അധ്യാപകൻ മാർക്കിട്ടതിന്റെ കുഴപ്പം കാരണമാണ് പരീക്ഷ തോറ്റതെന്ന് കുട്ടി പറയും പോലെയാണ് രാഹുല്‍ ഗാന്ധിയുടെ വാദമെന്ന് മുഖ്യമന്ത്രി യോഗി ആദിത്യനാഥ് പരിഹസിച്ചു.
ഹരിയാന കർണാലിലെ പദയാത്രയിലാണ് രാഹുലിനെ അമിത് ഷാ വീണ്ടും പാർലമെന്റില്‍ സംവാദത്തിന് ക്ഷണിച്ചത്. പ്രധാനമന്ത്രിക്ക് ഒരു കത്ത് നല്‍കിയാല്‍ ഉടൻ പ്രത്യേക സമ്മേളനം വിളിക്കാമന്നും. വോട്ട് സംരക്ഷിക്കാനല്ല നുഴഞ്ഞുകയറ്റക്കാർക്ക് വേണ്ടിയാണ് ഇന്ത്യ സഖ്യത്തിന്റെ റാലിയെന്നും അമിത് ഷാ ആരോപിച്ചു.
നിയമസഭാ തെരഞ്ഞെടുപ്പടുത്ത ഉത്തർ പ്രദേശില്‍ മൂന്ന് ദിവസത്തിനിടെ ഇന്ന് ആറാമത്തെ പദയാത്രയാണ് നടന്നത്. കോണ്‍ഗ്രസിൻ്റെ പ്രചാരണത്തെ നേരിടാതിരിക്കുന്നത് ജനങ്ങള്‍ക്കിടയില്‍ സംശയങ്ങള്‍ക്കിടയാക്കുന്നു എന്ന പാർട്ടിയിലെ വിലയിരുത്തലിൻറെ ഭാഗമായി കൂടിയാണ് ബിജെപി നീക്കം.
പ്രതിപക്ഷം ദീപാവലി പ്രമാണിച്ച്‌ പ്രതിഷേധത്തിന് അവധി നല്‍കിയെങ്കിലും ബിജെപി പദയാത്രകള്‍ തുടരുകയാണ്. നിയമസഭാ തെരഞ്ഞെടുപ്പ് പ്രചാരണത്തിന് കൂടിയാണ് യുപിയില്‍ തുടക്കമാകുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.