മഞ്ചേരി: വസ്ത്ര വ്യാപാരിയാണെന്നു പറഞ്ഞു ആളുകളെ വിശ്വസിപ്പിച്ചു ആള് താമസം ഇല്ലാത്ത വീടുകളില് തുടർച്ചയായി മോഷണം നടത്തിയ പ്രതി പൊലീസിന്റെ പിടിയില്.
തേഞ്ഞിപ്പലം 14-ാം മൈല് കിഴക്കേക്കോട്ടായി സൈനുദ്ദീനെ (43) ആണ് അറസ്റ്റ് ചെയ്തത്. ഇയാള്ക്കെതിരെ വിവിധ ജില്ലകളിലായി നൂറോളം കേസ് ഉണ്ടെന്ന് പൊലീസ് പറഞ്ഞു. കോടതിയില് ഹാജരാക്കിയ പ്രതിയെ റിമാൻഡ് ചെയ്തു. മഞ്ചേരി നഗരത്തില് വീട് വാടകയ്ക്ക് എടുത്ത് ആളുകള് ഇല്ലാത്ത വീടുകളിലാണ് മോഷണം നടത്തിയിരുന്നത്.മോഷണത്തിന്റെ തെളിവ് നശിപ്പിച്ചശേഷം അടുത്ത മോഷണം ആസൂത്രണം ചെയ്യും. മോഷണ മുതല് ഉപയോഗിച്ച് ആഡംബര ജീവിതം നയിക്കുകയാണ് രീതി. ഒരു പ്രദേശത്ത് കവർച്ച നടത്തിയശേഷം അടുത്ത ജില്ലയില് പോയി സുഖ ജീവിതം നയിക്കും. പ്രതിയും സഹോദരിയും കുടുംബവും മഞ്ചേരി, രാമൻകുളം, കാവനൂർ എന്നിവിടങ്ങളില് വീട് വാടകയ്ക്ക് എടുത്ത് താമസിച്ചിരുന്നു.
പാലക്കാട് ജില്ലയില് ഒട്ടേറെ കേസുകളുള്ള സൈനുദ്ദീൻ 2024ല് ജയിലില് നിന്ന് ജാമ്യത്തില് ഇറങ്ങിയിരുന്നു. ആഡംബര കാറുകളില് കറങ്ങി നടന്നാണ് വീടുകള് കണ്ടെത്തുന്നത്. അർധരാത്രി ഇരുചക്ര വാഹനത്തില് എത്തി മുഖം മറച്ചാണ് വീടുകളില് കയറിയിരുന്നത്.
കോടികള് വിലമതിക്കുന്ന ആഡംബര വീടാണ് പ്രതി കാവനൂരിനു സമീപം നിർമിക്കുന്നത്. മോഷണം നടന്ന പ്രദേശങ്ങളിലെ സിസിടിവി കേന്ദ്രീകരിച്ചും സമാനരീതിയില് മോഷണം നടത്തിയവരുടെ വിവരങ്ങള് ശേഖരിച്ചും നടത്തിയ അന്വേഷണമാണ് പ്രതിയിലേക്ക് എത്തിയത്.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.