വാഷിങ്ടൺ; എച്ച്-1ബി വിസകളും തൊഴിൽ അധിഷ്ഠിത ഗ്രീൻ കാർഡുകളും ഉൾപ്പെടെയുള്ള കുടിയേറ്റ പദ്ധതികളുടെ ദുരുപയോഗം സംബന്ധിച്ച അന്വേഷണം ട്രംപ് ഭരണകൂടം വ്യാപിപ്പിക്കുന്നു.
ഇതിന്റെ ഭാഗമായി കൂടുതൽ കമ്പനികൾ കർശന നടപടി നേരിടേണ്ടി വരുമെന്ന് യു.എസ് ലേബർ ഡിപ്പാർട്ട്മെന്റ് ഇൻസ്പെക്ടർ ജനറൽ ആന്റണി ഡി’എസ്പോസിറ്റോ വ്യക്തമാക്കി. ഫോക്സ് ന്യൂസിന് നൽകിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.തൊഴിൽ വിസകൾ കമ്പനികളുടെ ദീർഘകാല ബിസിനസ്സ് മാതൃകയായി ഉപയോഗിക്കാനുള്ളതല്ലെന്ന് ഡി’എസ്പോസിറ്റോ ഓർമ്മിപ്പിച്ചു. രാജ്യത്ത് ആവശ്യത്തിന് കഴിവുള്ള അമേരിക്കൻ തൊഴിലാളികൾ ലഭ്യമാണെന്നും, തദ്ദേശീയരായ ഉദ്യോഗാർത്ഥികളെ ലഭ്യമല്ലാത്ത സാഹചര്യത്തിൽ മാത്രമേ എച്ച്-1ബി വിസകൾ ഉപയോഗിക്കാവൂ എന്നും അദ്ദേഹം ഊന്നിപ്പറഞ്ഞു.
ഇത് കുടിയേറ്റ വിരുദ്ധ നടപതിയല്ലെന്നും, മറിച്ച് അമേരിക്കൻ തൊഴിലാളികൾക്ക് മുൻഗണന നൽകുന്നതിന്റെ ഭാഗമാണെന്നും അദ്ദേഹം വിശദീകരിച്ചു.
കഴിഞ്ഞ ഒക്ടോബറിൽ പെർമനന്റ് ലേബർ സർട്ടിഫിക്കേഷൻ (പി.ഇ.ആർ.എം) പ്രോഗ്രാമിൽ നിന്ന് മൈക്രോസോഫ്റ്റ്, അഡോബി എന്നിവയ്ക്കൊപ്പം കോഗ്നിസന്റ്, ഇൻഫോസിസ്, ടാറ്റ കൺസൾട്ടൻസി സർവീസസ്, വിപ്രോ, എച്ച്.സി.എൽ ടെക്നോളജീസ്, കാപ്ജെമിനി തുടങ്ങിയ പ്രമുഖ കമ്പനികളെയും ഭരണകൂടം സസ്പെൻഡ് ചെയ്തിരുന്നു.
കുറഞ്ഞ വേതനത്തിൽ വിദേശ തൊഴിലാളികളെ നിയമിക്കാൻ ചില കമ്പനികൾ ഈ പദ്ധതി ദുരുപയോഗം ചെയ്തുവെന്ന ആക്ഷേപത്തെ തുടർന്നാണിത്. ഈ സസ്പെൻഷൻ നടപടികൾ കമ്പനികളിലെ വിദേശ ജീവനക്കാരുടെ ഗ്രീൻ കാർഡ് നടപടികളെയും ബാധിച്ചിട്ടുണ്ട്.
വരും ദിവസങ്ങളിൽ കൂടുതൽ കമ്പനികളും വിദ്യാഭ്യാസ സ്ഥാപനങ്ങളും സസ്പെൻഷൻ നടപടികൾ നേരിടാൻ സാധ്യതയുണ്ടെന്ന് ഡി’എസ്പോസിറ്റോ സൂചിപ്പിച്ചു. തൊഴിൽ വിസയുമായി ബന്ധപ്പെട്ട തട്ടിപ്പുകൾ, ശമ്പളത്തിലെ ക്രമക്കേടുകൾ എന്നിവ കണ്ടെത്താൻ ഫെഡറൽ അന്വേഷണം ശക്തമായി തുടരുകയാണ്.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.