ദത്തെടുത്ത കുട്ടികള്‍ മാതാപിതാക്കളുടെ സ്വന്തം മക്കള്‍ തന്നെ; സര്‍ക്കാര്‍ രേഖകളില്‍ ‘ദത്ത്’ വിശേഷണം ഒഴിവാക്കാന്‍ ഉത്തരവുമായി ഹൈക്കോടതി,

ദത്തെടുത്ത കുട്ടികള്‍ മാതാപിതാക്കളുടെ സ്വന്തം മക്കള്‍ തന്നെ; സര്‍ക്കാര്‍ രേഖകളില്‍ ‘ദത്ത്’ വിശേഷണം ഒഴിവാക്കാന്‍ ഉത്തരവുമായി ഹൈക്കോടതി,

കൊച്ചി: ദത്തെടുക്കപ്പെട്ട കുട്ടികള്‍ എല്ലാ അര്‍ത്ഥത്തിലും മാതാപിതാക്കളുടെ സ്വന്തം മക്കള്‍ തന്നെയാണെന്നും, സര്‍ക്കാര്‍ രേഖകളില്‍ അവരെ ‘ദത്തുപുത്രന്‍’ എന്നോ ‘ദത്തുപുത്രി’ എന്നോ വേര്‍തിരിച്ച് രേഖപ്പെടുത്തേണ്ടതില്ലെന്നും കേരള ഹൈക്കോടതി.

ജസ്റ്റിസ് പി.വി. കുഞ്ഞികൃഷ്ണന്‍ അധ്യക്ഷനായ ബെഞ്ചാണ് സാമൂഹികമായും നിയമപരമായും ഏറെ പ്രാധാന്യമുള്ള ഈ സുപ്രധാന വിധി പുറപ്പെടുവിച്ചത്. 

ജനിച്ച കുടുംബവുമായുള്ള നിയമപരമായ ബന്ധം വേര്‍പെടുന്നതോടെ കുട്ടി പൂര്‍ണ്ണമായും ദത്തെടുത്ത കുടുംബത്തിലെ അംഗമായി മാറുന്നുവെന്നും, സര്‍ക്കാര്‍ രേഖകളില്‍ ‘മകന്‍’ അല്ലെങ്കില്‍ ‘മകള്‍’ എന്ന് മാത്രം രേഖപ്പെടുത്തിയാല്‍ മതിയെന്നും കോടതി വ്യക്തമാക്കി. 

ഇ-ഡിസ്ട്രിക്ട് പോര്‍ട്ടലില്‍ നിന്നും ദത്തുപുത്രന്‍, ദത്തുപുത്രി എന്നീ ഓപ്ഷനുകള്‍ അടിയന്തരമായി നീക്കം ചെയ്യാനും കോടതി സര്‍ക്കാരിന് നിര്‍ദ്ദേശം നല്‍കി. ഒരു മാസം പ്രായമുള്ളപ്പോള്‍ ദത്തെടുക്കപ്പെട്ട യുവതി സമര്‍പ്പിച്ച ഹര്‍ജി പരിഗണിക്കുന്നതിനിടെയായിരുന്നു കോടതിയുടെ ഈ ചരിത്രപരമായ ഇടപെടല്‍. 

2023-ല്‍ അമ്മ മരിച്ചപ്പോള്‍ ലഭിച്ച അനന്തരാവകാശ സര്‍ട്ടിഫിക്കറ്റില്‍ ഹര്‍ജിക്കാരിയെ ‘മകള്‍’ എന്നാണ് രേഖപ്പെടുത്തിയിരുന്നത്. എന്നാല്‍, ഒരു വര്‍ഷത്തിന് ശേഷം പിതാവ് മരിച്ചപ്പോള്‍ നല്‍കിയ അനന്തരാവകാശ സര്‍ട്ടിഫിക്കറ്റില്‍ ഉദ്യോഗസ്ഥര്‍ ‘ദത്തുപുത്രി’ എന്ന് രേഖപ്പെടുത്തി. രേഖകളിലെ ഈ വിവേചനപരമായ വേര്‍തിരിവിനെതിരെയാണ് യുവതി ഹൈക്കോടതിയെ സമീപിച്ചത്.

 ഹര്‍ജിക്കാരിക്ക് നല്‍കിയ മുന്‍ സര്‍ട്ടിഫിക്കറ്റ് റദ്ദാക്കിയ കോടതി, ‘ദത്തുപുത്രി’ എന്നതിന് പകരം ‘മകള്‍’ എന്ന് രേഖപ്പെടുത്തി പുതിയ അനന്തരാവകാശ സര്‍ട്ടിഫിക്കറ്റ് നല്‍കാന്‍ തഹസില്‍ദാര്‍ക്ക് നിര്‍ദ്ദേശം നല്‍കി.

നിയമപരമായ വശങ്ങള്‍ വിശദീകരിച്ച കോടതി, 1956-ലെ ഹിന്ദു അഡോപ്ഷന്‍സ് ആന്‍ഡ് മെയിന്റനന്‍സ് ആക്ട് (HAMA) സെക്ഷന്‍ 12, 2015-ലെ ബാലനീതി നിയമം (Juvenile Justice Act) എന്നിവ പ്രകാരം ദത്തെടുക്കല്‍ പൂര്‍ത്തിയാകുന്നതോടെ കുട്ടിക്ക് ജന്മം നല്‍കിയ മക്കള്‍ക്കുള്ള എല്ലാ നിയമപരമായ അവകാശങ്ങളും ലഭിക്കുമെന്ന് ചൂണ്ടിക്കാട്ടി. ദത്തെടുക്കുന്ന തീയതി മുതല്‍ ജനിച്ച കുടുംബവുമായുള്ള എല്ലാ ബന്ധങ്ങളും സ്വത്തവകാശങ്ങളും അവസാനിക്കുകയും, കുട്ടി പുതിയ കുടുംബത്തിലെ പൂര്‍ണ്ണ അവകാശിയായി മാറുകയും ചെയ്യുന്നു. 

നിയമം ഇത്രത്തോളം വ്യക്തമായിരിക്കെ, സര്‍ക്കാര്‍ പോര്‍ട്ടലുകളിലും സര്‍ട്ടിഫിക്കറ്റുകളിലും ‘ദത്ത്’ എന്ന വിശേഷണം തുടരുന്നത് നിയമവ്യവസ്ഥയുടെ അന്തസ്സത്തയ്ക്ക് നിരക്കുന്നതല്ലെന്നും കോടതി നിരീക്ഷിച്ചു.

ചില ബന്ധങ്ങള്‍ ജനനത്തിലൂടെയും മറ്റ് ചിലത് ദത്തെടുക്കലിലൂടെയും ഉണ്ടാകുന്നുവെന്നും, വഴികള്‍ വ്യത്യസ്തമാണെങ്കിലും ‘മകള്‍’ അല്ലെങ്കില്‍ ‘മകന്‍’ എന്ന പദത്തില്‍ ആ വ്യത്യാസം കൊണ്ടുവരേണ്ടതില്ലെന്നുമുള്ള കോടതിയുടെ നിരീക്ഷണം ഏറെ ശ്രദ്ധേയമാണ്.

 ദത്തെടുത്ത കുട്ടികളെ കുടുംബങ്ങള്‍ സ്വന്തം മക്കളായാണ് സ്നേഹിക്കുകയും വളര്‍ത്തുകയും ചെയ്യുന്നത്; ആരും അവരെ ദത്തുപുത്രിയെന്നോ ദത്തുപുത്രനെന്നോ വിളിക്കാറില്ല. സര്‍ക്കാര്‍ സംവിധാനങ്ങളിലെ സാങ്കേതികമായ ഇത്തരം വേര്‍തിരിവുകള്‍ വ്യക്തികളുടെ ആത്മാഭിമാനത്തെയും കുടുംബബന്ധങ്ങളുടെ വൈകാരിക തലത്തെയും ബാധിക്കുന്നവയാണ്.

 അതിനാല്‍, ദത്തെടുക്കപ്പെട്ട കുട്ടികള്‍ക്കും മാതാപിതാക്കള്‍ക്കും സമൂഹത്തില്‍ തുല്യമായ അന്തസ്സും പരിഗണനയും ഉറപ്പാക്കാന്‍ ഈ വിധി വലിയൊരു ചുവടുവെപ്പായി മാറും.

🔰അനാവശ്യ പ്രതികരണങ്ങൾ ഒഴിവാക്കുക
ഡെയ്‌ലി മലയാളി  ന്യൂസ്,  www.dailymalayaly.com വാർത്തകൾ 💬 അയയ്ക്കാൻ | ☎: +918921123196 ☎ +918606657037  പരസ്യങ്ങൾക്ക് | ☎: +918921123196 ☎ +918606657037 | 📩 : dailymalayalyinfo@gmail.com

കേരളത്തിലെ ക്രൈസ്തവ ദേവാലയങ്ങളിൽ എന്താണ് സംഭവിക്കുന്നത്? കരുവാരക്കുണ്ട് സംഭവം ചർച്ചയാകുന്നു!

വിദേശ ആയുധങ്ങൾക്ക് പകരം! ഇന്ത്യയുടെ #M72
 വാർത്തകൾ 💬 നേരത്തെ അറിയൂ .. എല്ലാവരിലേക്കും എത്തിക്കൂ SUBCRIBE         
ഡെയ്‌ലി മലയാളി  ന്യൂസ്,  www.dailymalayaly.com വാർത്തകൾ 💬 അയയ്ക്കാൻ | ☎: +918921123196 ☎ +918606657037  പരസ്യങ്ങൾക്ക് | ☎: +918921123196 ☎ +918606657037 | 📩 : dailymalayalyinfo@gmail.com

buttons=(Accept !) days=(20)

Our website uses cookies to enhance your experience. Learn More
Accept !
×

UCMI Community Portal

Select language or browse our network