അമൃത്സർ: പഞ്ചാബിലെ അമൃത്സറിൽ ആയുധക്കടത്ത്, മയക്കുമരുന്ന് കടത്ത് ശൃംഖലകൾക്കെതിരെ നടത്തിയ സംയുക്ത നീക്കത്തിൽ ഏഴുപേരെ പൊലീസ് അറസ്റ്റ് ചെയ്തു. മൂന്ന് പ്രായപൂർത്തിയാകാത്തവരും അറസ്റ്റിലായവരിൽ ഉൾപ്പെടുന്നു. കേന്ദ്ര ഏജൻസിയുമായി ചേർന്ന് അമൃത്സർ റൂറൽ പൊലീസാണ് നടപടി സ്വീകരിച്ചത്.
റോക്കറ്റ് പ്രൊപ്പൽഡ് ഗ്രനേഡ് (RPG) ലോഞ്ചർ, രണ്ട് 9 എംഎം പിസ്റ്റളുകൾ, 106 വെടിയുണ്ടകൾ എന്നിവ പിടിച്ചെടുത്തു. 7.904 കിലോഗ്രാം ഹെറോയിൻ, 5.152 കിലോഗ്രാം കറുപ്പ്, 2.344 കിലോഗ്രാം മെത്താംഫെറ്റമിൻ (ഐസ്) എന്നിവയും കണ്ടെത്തി. ഒരു ഡ്രോൺ, ജിപിഎസ് ട്രാക്കർ, അഞ്ച് മൊബൈൽ ഫോണുകൾ എന്നിവയും പിടിച്ചെടുത്തിട്ടുണ്ട്.
വിദേശത്തുള്ള ഇടനിലക്കാരുമായി പ്രതികൾക്ക് ബന്ധമുണ്ടായിരുന്നുവെന്നാണ് പ്രാഥമിക അന്വേഷണത്തിൽ കണ്ടെത്തിയതെന്ന് പഞ്ചാബ് പൊലീസ് അറിയിച്ചു. ആയുധങ്ങളും ലഹരിവസ്തുക്കളും വിതരണം ചെയ്യുന്നതിനായി ഇവർ പ്രവർത്തിച്ചിരുന്നോയെന്ന് അന്വേഷിച്ചുവരികയാണ്.
അമൃത്സർ ജില്ലയിലെ ഘരിന്ദ, ലോപോക്കെ, ഭിന്ദി സൈദ പൊലീസ് സ്റ്റേഷനുകളിലായി കേസുകൾ രജിസ്റ്റർ ചെയ്തിട്ടുണ്ട്. ശൃംഖലയുടെ കൂടുതൽ കണ്ണികളെ കണ്ടെത്തുന്നതിനും വിദേശത്തുള്ള ഇടനിലക്കാരെ തിരിച്ചറിയുന്നതിനുമുള്ള അന്വേഷണം തുടരുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.