തിരുവനന്തപുരം: രണ്ടാം കേരള അഡ്മിനിസ്ട്രേറ്റീവ് സർവീസ് (കെ.എ.എസ്) റാങ്ക് പട്ടികയിൽ ഉൾപ്പെട്ടവർക്ക് നിയമനം നൽകാനുള്ള നടപടികൾ സർക്കാർ വേഗത്തിലാക്കി. ഒഴിവുകൾ കണ്ടെത്തി നിയമനത്തിന് ആവശ്യമായ ചട്ടങ്ങളിൽ മാറ്റം വരുത്താനാണ് നീക്കം.
ഇതിനായി 30 ദിവസത്തിനുള്ളിൽ പ്രത്യേക നിയമനച്ചട്ടങ്ങൾ തയ്യാറാക്കാൻ മുഖ്യമന്ത്രി നിർദേശം നൽകിയിട്ടുണ്ട്. ഡിസംബർ 15നകം നിയമനവുമായി ബന്ധപ്പെട്ട ഫയൽ മന്ത്രിസഭയുടെ പരിഗണനയ്ക്ക് സമർപ്പിക്കാനാണ് ലക്ഷ്യമിടുന്നത്.
റാങ്ക് പട്ടികയുടെ കാലാവധി ജനുവരി 30ന് അവസാനിക്കാനിരിക്കെയാണ് സർക്കാർ നടപടി. രണ്ടാം കെ.എ.എസ് പരീക്ഷയുടെ പ്രധാന റാങ്ക് പട്ടികയിൽ 200 പേരാണുള്ളത്.
വിവിധ വകുപ്പുകളിൽ എത്ര തസ്തികകൾ നിയമനത്തിനായി ഉപയോഗിക്കാനാകുമെന്ന് പൊതുഭരണ വകുപ്പ് പരിശോധിച്ചുവരികയാണ്. പരിശീലന തസ്തികകൾ ഉൾപ്പെടെ പുതിയ ഒഴിവുകൾ സൃഷ്ടിക്കുന്ന കാര്യവും പരിഗണനയിലുണ്ട്.
നിയമന നടപടികൾ പൂർത്തിയാകുന്നതോടെ റാങ്ക് പട്ടികയിൽ ഉൾപ്പെട്ട കൂടുതൽ ഉദ്യോഗാർഥികൾക്ക് സർക്കാർ സർവീസിൽ അവസരം ലഭിക്കുമെന്നാണ് പ്രതീക്ഷ.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.