തൃശ്ശൂർ: നഗരത്തിലെ വൈദ്യുതി വിതരണ സംവിധാനം കൂടുതൽ കാര്യക്ഷമമാക്കുന്നതിനും തടസ്സങ്ങൾ കുറയ്ക്കുന്നതിനുമായി 47.99 കോടി രൂപയുടെ അധിക മൂലധന നിക്ഷേപത്തിന് കേരള സംസ്ഥാന വൈദ്യുതി റെഗുലേറ്ററി കമ്മിഷൻ അനുമതി നൽകി. 2022–2027 നിയന്ത്രണ കാലയളവിലെ പദ്ധതികൾക്കായാണ് തൃശ്ശൂർ കോർപ്പറേഷൻ വൈദ്യുതി വിഭാഗത്തിന് അനുമതി ലഭിച്ചത്.
ലാലൂരിൽ പുതിയ 110 കെ.വി. സബ്‌സ്റ്റേഷൻ നിർമിക്കുന്നതാണ് പദ്ധതിയിലെ പ്രധാന ഘടകങ്ങളിലൊന്ന്. ഇതിനായി കോർപ്പറേഷൻ വൈദ്യുതി വിഭാഗം 15.10 കോടി രൂപ നിക്ഷേപിക്കും. കേന്ദ്ര സർക്കാരിന്റെ പുനരുദ്ധരിച്ച വിതരണ മേഖലാ പദ്ധതിയിൽനിന്ന് 22.64 കോടി രൂപയുടെ സഹായവും ലഭിക്കും. അനുബന്ധ വൈദ്യുതി പ്രസരണ സംവിധാനങ്ങൾക്കും അനുമതി നൽകിയിട്ടുണ്ട്.
സ്മാർട്ട് മീറ്റർ പദ്ധതിക്കായി 18.28 കോടി രൂപയിലധികം അനുവദിച്ചിട്ടുണ്ട്. ഘട്ടംഘട്ടമായി 27,242 മീറ്ററുകൾ സ്ഥാപിക്കാനാണ് ലക്ഷ്യമിടുന്നത്. സർക്കാർ ഓഫീസുകൾ, ഫീഡറുകൾ, വിതരണ ട്രാൻസ്ഫോർമറുകൾ, ഉപഭോക്താക്കളുടെ കണക്ഷനുകൾ എന്നിവയ്ക്ക് മുൻഗണന നൽകും.
പുതിയ ട്രാൻസ്ഫോർമറുകൾ സ്ഥാപിക്കൽ, നിലവിലുള്ളവയുടെ ശേഷി വർധിപ്പിക്കൽ, പഴയ ഉപകരണങ്ങൾ മാറ്റിസ്ഥാപിക്കൽ, ഭൂഗർഭ കേബിളുകൾ സ്ഥാപിക്കൽ തുടങ്ങിയ പ്രവൃത്തികളും പദ്ധതിയിൽ ഉൾപ്പെടുന്നു. നഗരത്തിലെ വൈദ്യുതി വിതരണത്തിന്റെ വിശ്വാസ്യതയും കാര്യക്ഷമതയും മെച്ചപ്പെടുത്താൻ ഈ നിക്ഷേപം സഹായിക്കുമെന്നാണ് പ്രതീക്ഷ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.