കൊച്ചി: ശബരിമല സ്വർണക്കൊള്ളക്കേസിൽ പ്രതികൾക്കെതിരെ വിചാരണ ആരംഭിക്കുന്നതിനുള്ള പ്രോസിക്യൂഷൻ അനുമതി നടപടികൾ വേഗത്തിലാക്കണമെന്ന് കേരള ഹൈക്കോടതി നിർദേശിച്ചു. ആവശ്യമായ അനുമതികൾ ലഭിച്ചാലുടൻ കുറ്റപത്രം സമർപ്പിച്ച് വിചാരണ നടപടികൾ ആരംഭിക്കാനാണ് പ്രത്യേക അന്വേഷണസംഘത്തിന്റെ (എസ്.ഐ.ടി) നീക്കം.
ശ്രീകോവിലിന്റെ വാതിൽപ്പാളികളിൽനിന്ന് സ്വർണം നഷ്ടപ്പെട്ടുവെന്ന ആരോപണവുമായി ബന്ധപ്പെട്ട കേസിലാണ് കോടതിയുടെ നിർദേശം. കേസിൽ 13 പേരാണ് പ്രതികൾ. ഇതിൽ 10 പേർക്കെതിരെ പ്രോസിക്യൂഷൻ അനുമതി ആവശ്യമാണ്. നാലുപേർക്കുള്ള അനുമതി റവന്യൂ-ദേവസ്വം സെക്രട്ടറിയും ആറുപേർക്കുള്ള അനുമതി തിരുവിതാംകൂർ ദേവസ്വം ബോർഡുമാണ് നൽകേണ്ടത്.
എസ്.ഐ.ടി തയ്യാറാക്കിയ കുറ്റപത്രത്തിന്റെ കരടിന് അസിസ്റ്റന്റ് ലീഗൽ അഡ്വൈസർ നിയമോപദേശം നൽകിയിട്ടുണ്ട്. ആവശ്യമായ പ്രോസിക്യൂഷൻ അനുമതി ലഭിച്ചാലുടൻ ബന്ധപ്പെട്ട കോടതിയിൽ കുറ്റപത്രം സമർപ്പിക്കുമെന്ന് അന്വേഷണ ഉദ്യോഗസ്ഥൻ ഹൈക്കോടതിയെ അറിയിച്ചു.
ശ്രീകോവിലിലെ ദ്വാരപാലക വിഗ്രഹങ്ങളുമായി ബന്ധപ്പെട്ട സ്വർണക്കവർച്ചാ ആരോപണത്തിലെ അന്വേഷണവും അവസാനഘട്ടത്തിലാണ്. ഈ കേസിലെ നടപടികൾ പൂർത്തിയാക്കുന്നതിനും അനുമതി തേടുന്നതിനും അന്വേഷണസംഘം നടപടി സ്വീകരിക്കുമെന്ന് കോടതിയെ അറിയിച്ചു. കേസ് ഡിസംബർ രണ്ടിന് വീണ്ടും പരിഗണിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.