ചെന്നൈ: സോണിയ ഗാന്ധിയുടെ പുതിയ പുസ്തകം 2029ലെ ലോക്‌സഭാ തിരഞ്ഞെടുപ്പ് മുന്നിൽക്കണ്ടല്ല തയ്യാറാക്കിയതെന്ന് മുതിർന്ന മാധ്യമപ്രവർത്തകൻ എൻ. റാം. പുസ്തകത്തിൽ രാഷ്ട്രീയ വിഷയങ്ങൾ പരാമർശിക്കുന്നുണ്ടെങ്കിലും സ്വന്തം ജീവിതവും കുടുംബവും സംബന്ധിച്ച അനുഭവങ്ങൾ തുറന്നുപറയാനുള്ള ആഗ്രഹമാണ് രചനയ്ക്ക് പിന്നിലെന്നാണ് അദ്ദേഹം വ്യക്തമാക്കിയത്.
സോണിയ ഗാന്ധിയുടെ Belonging: A Journey of Love എന്ന പുസ്തകം പുറത്തിറങ്ങിയ ദിവസമാണ് എൻ. റാം ഇക്കാര്യം പറഞ്ഞത്. ഏകദേശം പത്ത് വർഷം മുമ്പാണ് സോണിയ ഗാന്ധി തന്റെ അനുഭവങ്ങൾ കുറിച്ചുതുടങ്ങിയതെന്നും കഴിഞ്ഞ അഞ്ച് വർഷമായി പുസ്തകത്തിന്റെ രചനയ്ക്കായി കൂടുതൽ സമയം ചെലവഴിച്ചെന്നും അദ്ദേഹം പറഞ്ഞു.
ഗാന്ധി കുടുംബത്തെക്കുറിച്ച് വർഷങ്ങളായി മറ്റുള്ളവർ എഴുതിയിട്ടുണ്ടെങ്കിലും കുടുംബാംഗങ്ങളുടെ വ്യക്തിജീവിതവും മനുഷ്യവശങ്ങളും വേണ്ടവിധം അവതരിപ്പിക്കപ്പെട്ടിട്ടില്ലെന്ന തോന്നലാണ് സ്വന്തം കഥ പറയാൻ സോണിയയെ പ്രേരിപ്പിച്ചതെന്ന് എൻ. റാം വിശദീകരിച്ചു.
ബിജെപി, ആർഎസ്എസ്, തിരഞ്ഞെടുപ്പ് കമ്മീഷൻ, ജനാധിപത്യ സ്ഥാപനങ്ങൾ തുടങ്ങിയ വിഷയങ്ങളെക്കുറിച്ചുള്ള പരാമർശങ്ങൾ പുസ്തകത്തിലുണ്ട്. എന്നാൽ ഈ വിഷയങ്ങൾ സ്വാഭാവികമായി വിവരണത്തിന്റെ ഭാഗമായി വന്നതാണെന്നും 2029ലെ തിരഞ്ഞെടുപ്പ് ലക്ഷ്യമിട്ടാണ് പുസ്തകം തയ്യാറാക്കിയതെന്ന വിലയിരുത്തൽ ശരിയല്ലെന്നും അദ്ദേഹം പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.