ന്യൂഡൽഹി: രാജ്യത്ത് 19 കിലോഗ്രാം വാണിജ്യ പാചകവാതക സിലിണ്ടറിന്റെ വില 10 രൂപ വർധിപ്പിച്ചു. നവംബർ ഒന്നുമുതൽ പ്രാബല്യത്തിൽ വന്ന പുതിയ നിരക്കനുസരിച്ച് സിലിണ്ടറിന്റെ വില 2,820 രൂപയായി. ഒക്ടോബറിൽ 2,810 രൂപയായിരുന്നു വില.
ഹോട്ടലുകൾ, റെസ്റ്റോറന്റുകൾ, മറ്റ് വാണിജ്യ സ്ഥാപനങ്ങൾ എന്നിവയാണ് പ്രധാനമായും വാണിജ്യ സിലിണ്ടറുകൾ ഉപയോഗിക്കുന്നത്. തുടർച്ചയായ മാസങ്ങളിലെ വിലമാറ്റങ്ങൾ ഈ മേഖലയിലെ പ്രവർത്തനച്ചെലവിനെയും ബാധിക്കുമെന്നാണ് വിലയിരുത്തൽ.
അതേസമയം, വീടുകളിൽ ഉപയോഗിക്കുന്ന 14.2 കിലോഗ്രാം ഗാർഹിക പാചകവാതക സിലിണ്ടറിന്റെ വിലയിൽ മാറ്റമില്ല. നിലവിലെ നിരക്ക് 942 രൂപയായി തുടരും.
വിമാന ഇന്ധനമായ ഏവിയേഷൻ ടർബൈൻ ഫ്യൂവലിന്റെ വിലയും ലിറ്ററിന് 1.37 രൂപ വർധിപ്പിച്ചിട്ടുണ്ട്. പുതിയ നിരക്കനുസരിച്ച് ലിറ്ററിന് 138.50 രൂപയാണ് വില. അന്താരാഷ്ട്ര ഇന്ധനവിലയിലെയും രൂപയുടെ വിനിമയനിരക്കിലെയും മാറ്റങ്ങൾ പരിഗണിച്ചാണ് എണ്ണക്കമ്പനികൾ ഓരോ മാസവും ഒന്നാം തീയതി വില പുതുക്കുന്നത്. വിവിധ നഗരങ്ങളിൽ നികുതികൾക്കനുസരിച്ച് നിരക്കിൽ വ്യത്യാസമുണ്ടാകാം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.