തിരുവനന്തപുരം: കേരളത്തിലെ വടക്കൻ ജില്ലകളിൽ അഞ്ചാംപനി വ്യാപനം വർധിക്കുന്നത് ആരോഗ്യവകുപ്പിന്റെ ശ്രദ്ധയിൽ. കണ്ണൂർ, മലപ്പുറം, കോഴിക്കോട് ജില്ലകളിലാണ് രോഗബാധ കൂടുതലായി റിപ്പോർട്ട് ചെയ്യുന്നത്. 2026 ഒക്ടോബർ വരെയുള്ള കണക്കനുസരിച്ച് സംസ്ഥാനത്ത് 538 പേർക്ക് രോഗം സ്ഥിരീകരിച്ചിട്ടുണ്ട്. ആയിരത്തിലധികം പേർക്ക് രോഗലക്ഷണങ്ങൾ ഉണ്ടായതായും റിപ്പോർട്ടുണ്ട്.
കണ്ണൂരിൽ 15 വയസ്സുകാരനായ ദക്ഷിത് ബാബുവിന്റെ മരണം കൂടി റിപ്പോർട്ട് ചെയ്തതോടെ സംസ്ഥാനത്ത് അഞ്ചാംപനി ബാധിച്ചുള്ള മരണസംഖ്യ നാലായി. രോഗവ്യാപനം ഉയരുന്ന സാഹചര്യത്തിൽ ആരോഗ്യവകുപ്പ് പ്രതിരോധ പ്രവർത്തനങ്ങൾ ശക്തമാക്കിയിട്ടുണ്ട്. രോഗബാധിത പ്രദേശങ്ങളിൽ നിരീക്ഷണവും വാക്സിനേഷൻ നടപടികളും ഊർജിതമാക്കി.
രോഗബാധിതരിൽ ഭൂരിഭാഗവും അഞ്ചാംപനി പ്രതിരോധ വാക്സിൻ സ്വീകരിക്കാത്ത കുട്ടികളാണെന്ന് ആരോഗ്യവകുപ്പ് ഡയറക്ടർ ഡോ. വി. മീനാക്ഷി അറിയിച്ചു. വാക്സിനേഷൻ നിരക്ക് കുറഞ്ഞ പ്രദേശങ്ങളിലാണ് രോഗവ്യാപനം കൂടുതലായി കാണുന്നത്. കുട്ടികൾക്ക് ആവശ്യമായ പ്രതിരോധ കുത്തിവെപ്പുകൾ ഉറപ്പാക്കാനും ആരോഗ്യവകുപ്പ് നിർദേശിച്ചിട്ടുണ്ട്.
ഒൻപത് മുതൽ 12 മാസം വരെയുള്ള പ്രായത്തിൽ ആദ്യ ഡോസും 16 മുതൽ 24 മാസം വരെയുള്ള പ്രായത്തിൽ രണ്ടാം ഡോസും നൽകുന്ന എംആർ വാക്സിൻ സർക്കാർ ആരോഗ്യകേന്ദ്രങ്ങളിൽ സൗജന്യമായി ലഭ്യമാണ്. രോഗബാധിത പ്രദേശങ്ങളിൽ വിറ്റാമിൻ എ വിതരണം ഉൾപ്പെടെയുള്ള പ്രതിരോധ നടപടികളും തുടരുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.