ഡബ്ലിൻ: യൂറോപ്യൻ യൂണിയൻ അധ്യക്ഷപദവിയുമായി ബന്ധപ്പെട്ട ഉന്നതതല യോഗങ്ങൾ നടക്കുന്നതിനാൽ നവംബർ 10 മുതൽ 13 വരെ ഡബ്ലിനിൽ വ്യാപക ഗതാഗത നിയന്ത്രണങ്ങൾ ഏർപ്പെടുത്തും. യൂറോപ്യൻ രാജ്യങ്ങളിലെ ഏകദേശം 50 രാഷ്ട്രത്തലവന്മാരും ഭരണത്തലവന്മാരും പങ്കെടുക്കുന്ന യോഗങ്ങൾക്കായാണ് അയർലൻഡ് ചരിത്രത്തിലെ ഏറ്റവും വലിയ സുരക്ഷാ-പൊലീസ് ഓപ്പറേഷൻ ഒരുക്കുന്നത്.
നവംബർ 12-ന് യൂറോപ്യൻ പൊളിറ്റിക്കൽ കമ്മ്യൂണിറ്റി ഉച്ചകോടിയും 13-ന് യൂറോപ്യൻ യൂണിയൻ നേതാക്കളുടെ അനൗപചാരിക യോഗവും നടക്കും. ഡബ്ലിനിലെ കൺവെൻഷൻ സെന്ററാണ് പ്രധാന വേദി. സന്ദർശക നേതാക്കൾക്കായി നാഷണൽ ഗാലറിയിൽ പ്രത്യേക വിരുന്നും ഒരുക്കിയിട്ടുണ്ട്.
സുരക്ഷാ ക്രമീകരണങ്ങളുടെ ഭാഗമായി നഗരത്തിലെ വിവിധ റോഡുകളിൽ നിയന്ത്രണങ്ങളും അടച്ചിടലുകളും ഉണ്ടാകും. ബസ് സർവീസുകൾ വഴിതിരിച്ചുവിടും. ലുവാസ് റെഡ് ലൈൻ സർവീസിനും നിയന്ത്രണങ്ങളുണ്ടാകും. വിമാനത്താവളത്തിലേക്കും തുറമുഖത്തേക്കുമുള്ള യാത്രകളെയും നിയന്ത്രണങ്ങൾ ബാധിച്ചേക്കും.
നവംബർ 10 മുതൽ 13 വരെ ഡബ്ലിനിലേക്കും നഗരമധ്യത്തിലേക്കും യാത്ര ചെയ്യുന്നവർ യാത്രാസമയം മുൻകൂട്ടി ആസൂത്രണം ചെയ്യണമെന്നും പൊതുഗതാഗത സംവിധാനങ്ങളിലെ അറിയിപ്പുകൾ പരിശോധിക്കണമെന്നും അധികൃതർ നിർദേശിച്ചു. സാധ്യമെങ്കിൽ സ്വകാര്യ വാഹനങ്ങളുടെ ഉപയോഗം കുറയ്ക്കാനും നിർദേശമുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.