ന്യൂഡൽഹി: നിർണായക ധാതുക്കളുടെ ആഭ്യന്തര സംസ്കരണശേഷി വർധിപ്പിക്കുന്നതിനായി ₹2,814 കോടി ചെലവിൽ പുതിയ പദ്ധതി പ്രഖ്യാപിച്ച് കേന്ദ്ര സർക്കാർ. ലിഥിയം, നിക്കൽ തുടങ്ങിയ ധാതുക്കളുടെ സംസ്കരണത്തിനായി രാജ്യത്ത് നാല് പ്ലാന്റുകൾ സ്ഥാപിക്കുന്നതിനാണ് കേന്ദ്ര മന്ത്രിസഭ അംഗീകാരം നൽകിയത്. നവംബർ നാലിനാണ് തീരുമാനം പ്രഖ്യാപിച്ചത്.
2026–27 മുതൽ 2030–31 വരെയുള്ള അഞ്ചുവർഷമാണ് പദ്ധതിയുടെ കാലാവധി. യോഗ്യമായ നിക്ഷേപത്തിന്റെ 30 ശതമാനം മൂലധന സബ്സിഡിയായി നൽകും. രണ്ട് ലിഥിയം സംസ്കരണ പ്ലാന്റുകളും രണ്ട് നിക്കൽ സംസ്കരണ പ്ലാന്റുകളുമാണ് പദ്ധതിയിലൂടെ സ്ഥാപിക്കുക. ഓരോ ലിഥിയം പ്ലാന്റിനും കുറഞ്ഞത് 30,000 ടൺ വീതവും നിക്കൽ പ്ലാന്റുകൾക്ക് 50,000 ടൺ വീതവും സംസ്കരണശേഷി ലക്ഷ്യമിടുന്നു.
നിലവിൽ ശുദ്ധീകരിച്ച നിർണായക ധാതുക്കൾക്കും അവയുടെ ഇടനില ഉൽപന്നങ്ങൾക്കും ഇന്ത്യ ഇറക്കുമതിയെ ആശ്രയിക്കുന്നുണ്ട്. ഇലക്ട്രിക് വാഹനങ്ങൾ, ബാറ്ററി സംഭരണ സംവിധാനങ്ങൾ, ഇലക്ട്രോണിക്സ്, പ്രതിരോധം, പ്രത്യേകതരം സ്റ്റീൽ തുടങ്ങിയ മേഖലകൾക്ക് ആവശ്യമായ അസംസ്കൃത വസ്തുക്കളുടെ ആഭ്യന്തര ലഭ്യത വർധിപ്പിക്കുകയാണ് പദ്ധതിയുടെ ലക്ഷ്യം. നിക്കൽ സംസ്കരണത്തിന്റെ ഉപോൽപന്നമായി കൊബാൾട്ടും വീണ്ടെടുക്കാൻ സാധിക്കുമെന്ന് സർക്കാർ പ്രതീക്ഷിക്കുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.