കോർക്ക്: മകളെയും കുടുംബത്തെയും സന്ദർശിക്കാൻ നാട്ടിൽനിന്ന് അയർലൻഡിലെത്തിയ മാതാവ് ഹൃദയാഘാതത്തെ തുടർന്ന് നിര്യാതയായി.
മാവേലിക്കര കാപ്പിൽ കട്ടക്കളീക്കൽ കുടുംബാംഗമായ ലാലി പോൾ (70) ആണ് കോർക്കിലെ മാലോയിൽ വെച്ച് അന്തരിച്ചത്.
കഴിഞ്ഞ ദിവസമാണ് ഇവർ കേരളത്തിൽനിന്ന് മകളുടെ വസതിയിൽ എത്തിയത്. ഇന്ന് രാവിലെ ഉറക്കമുണർന്ന ശേഷം മകളോടൊപ്പം അടുക്കളയിൽ ചായ തയ്യാറാക്കുന്നതിനിടെ പെട്ടെന്ന് കുഴഞ്ഞുവീഴുകയായിരുന്നു. ഉടൻ തന്നെ വൈദ്യസഹായം ലഭ്യമാക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല.
കോർക്ക് ക്രിസ്റ്റോസ് മാർത്തോമ്മാ ഇടവകാംഗമായ നിഷ പോളിന്റെ മാതാവും ബിനു തോമസ് വർഗീസിന്റെ ഭാര്യാമാതാവുമാണ് പരേതയായ ലാലി പോൾ.
ലാലി പോളിന്റെ അപ്രതീക്ഷിത വിയോഗത്തിൽ കോർക്ക് ക്രിസ്റ്റോസ് മാർത്തോമ്മാ ഇടവകയും പ്രാദേശിക മലയാളി സമൂഹവും അഗാധമായ ദുഃഖവും അനുശോചനവും രേഖപ്പെടുത്തി. സംസ്‌കാര ശുശ്രൂഷകൾ സംബന്ധിച്ച വിവരങ്ങൾ പിന്നീട് അറിയിക്കുമെന്ന് ബന്ധുക്കൾ അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.