വത്തിക്കാൻ: ശ്വാസകോശത്തിലെ മുഴ നീക്കാനായി ലിയോ പതിനാലാമൻ മാർപ്പാപ്പയ്ക്ക് ശസ്ത്രക്രിയ വേണ്ടി വരും. വരും ദിവസങ്ങളില്‍ ഈ ശസ്ത്രക്രിയ നടക്കുമെന്ന് വത്തിക്കാൻ വിശദമാക്കി.
ഞായറാഴ്ച വത്തിക്കാനില്‍ നടന്ന പ്രാർത്ഥനയ്ക്ക് ശേഷമാണ് 71കാരനായ മാർപ്പാപ്പ രോഗവിവരം വിശ്വാസികളോട് വിശദമാക്കിയത്. തനിക്കായി പ്രാർത്ഥിക്കുന്ന എല്ലാവർക്കും നന്ദി അറിയിച്ച അദ്ദേഹം, വരും ദിവസങ്ങളില്‍ നടക്കുന്ന ശസ്ത്രക്രിയ വിജയകരമാകുന്നതിനായി പ്രാർത്ഥനയില്‍ പങ്കുചേരണമെന്ന് വിശ്വാസികളോട് അഭ്യർത്ഥിക്കുകയും ചെയ്തു.
ഇറ്റാലിയൻ ഭാഷയില്‍ നല്‍കിയ സന്ദേശത്തിലാണ് ഡോക്ടർമാരുടെ നിർദ്ദേശപ്രകാരം ശസ്ത്രക്രിയ നടത്താൻ തീരുമാനിച്ച കാര്യം അദ്ദേഹം പങ്കുവെച്ചത്. റോമിലെ പ്രശസ്തമായ ഗെമെല്ലി ആശുപത്രിയില്‍ ശസ്ത്രക്രിയ നടക്കുമെന്നാണ് വത്തിക്കാൻ പുറത്തുവിട്ട വിവരങ്ങള്‍ വിശദമാക്കുന്നത്.
ശസ്ത്രക്രിയയ്ക്ക് ശേഷം ഏകദേശം ഒരു ആഴ്ചത്തെ വിശ്രമവും പരിചരണവും ആവശ്യമായി വരുമെന്നാണ് കരുതപ്പെടുന്നത്. നിലവില്‍ മറ്റ് ആരോഗ്യപ്രശ്നങ്ങളൊന്നുമില്ലാത്ത മാർപ്പാപ്പ വളരെ സജീവമായ ജീവിതരീതി പിന്തുടരുന്ന വ്യക്തിയാണ്. ആഴ്ചതോറുമുള്ള ടെന്നീസ് കളിയും നീന്തലും അദ്ദേഹത്തിന്റെ ദിനചര്യകളുടെ ഭാഗമാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.