ഉത്തരാഖണ്ഡ്: വളർത്തുനായയെ പിന്തുടർന്ന് വീട്ടിനുള്ളിലെത്തിയ പുലിയെ മുറിയില്‍ പൂട്ടി നാട്ടുകാരെ വിവരമറിയിച്ച ഉത്തരാഖണ്ഡിലെ നൈനിറ്റാളില്‍ നിന്നുള്ള യുവതി ഇന്ന് നാട്ടിലെ 'ഹീറോ'യാണ്.
വളർത്തുനായയ്ക്ക് പിന്നാലെ പുലിയും വീട്ടിനുള്ളിലേക്ക്!
നൈനിറ്റാള്‍ ജില്ലയിലെ ബേതാല്‍ഘട്ട് ബ്ലോക്കിലുള്ള ടല്ലി സേഥി ഗ്രാമത്തില്‍ കഴിഞ്ഞ ഞായറാഴ്ച രാത്രി വൈകിയാണ് സംഭവം നടന്നത്. പുലർച്ചെ രണ്ടിനും മൂന്നിനും ഇടയില്‍ വളർത്തുനായയെ പിന്തുടർന്നെത്തിയ പുലി, നായയുടെ പിന്നാലെ വീടിനുള്ളിലേക്ക് കടക്കുകയായിരുന്നു. പുലിയുടെ അക്രമണത്തില്‍ നിന്നും രക്ഷപ്പെടാനുള്ള ശ്രമത്തിനിടെയാണ് നായ വീടിനുള്ളിലേക്ക് ഓടിക്കയറിയതെന്ന് റിപ്പോർട്ടുകള്‍ പറയുന്നു.
സധൈര്യം ജയന്തി ദേവി
വീടിനോട് ചേർന്നുള്ള മുറിയില്‍ പുലി കിടക്കുന്നത് ശ്രദ്ധയില്‍പ്പെട്ട ജയന്തി ദേവി പെട്ടെന്ന് തന്നെ അപകടം മനസ്സിലാക്കി. അവർ പുലിയുടെ അടുത്തേക്ക് പോകാനോ, അതിനെ നേരിടാനോ, വഹളം വച്ച്‌ ആളെക്കൂട്ടാനോ ശ്രമിക്കാതെ, മുറിയുടെ വാതില്‍ പതിയെ അടച്ച്‌ പുലിയെ മുറിക്കുള്ളില്‍ പൂട്ടുകയായിരുന്നു. ഇതോടെ പുലിക്ക് മുറിക്ക് വെളിയില്‍ കടക്കാൻ കഴിയാതെയായി. പുലി മുറിക്കുള്ളില്‍ കുടുങ്ങിയെന്ന് മനസിലായതിന് പിന്നാലെ ജയന്തി ബഹളംവെച്ച്‌ സമീപവാസികളെ ഉണർത്തുകയായിരുന്നു. പിന്നീട് നാട്ടുകാരെത്തി വനം വകുപ്പിനെ വിവരമറിയിച്ചു
വനംവകുപ്പ് സംഘം സ്ഥലത്തെത്തി പുലിയെ മയക്കുവെടിവെച്ച്‌ സുരക്ഷിതമായി പുറത്തെടുത്തെന്ന് റിപ്പോർട്ടുകള്‍ പറയുന്നു. ഫോറസ്റ്റ് റേഞ്ചർ മനോജ് ഭഗത്തിന്‍റെ നേതൃത്വത്തിലായിരുന്നു രക്ഷാപ്രവർത്തനം. പിടികൂടിയ പുലിയെ രക്ഷാകേന്ദ്രത്തിലേക്ക് മാറ്റി.
ബേതാല്‍ഘട്ട് മേഖലയിലെ ജനവാസകേന്ദ്രങ്ങള്‍ക്ക് സമീപം പുലികളുടെ സാന്നിധ്യം വർധിക്കുന്നതായി റിപ്പോർട്ടുകളില്‍ പറയുന്നു. ബാസ്ഗാവ്, സൗംഗാവ്, സിമല്‍ഖ തുടങ്ങിയ സമീപഗ്രാമങ്ങളില്‍ വളർത്തുമൃഗങ്ങള്‍ക്ക് നേരെ നിരവധി തവണ പുലി ആക്രമണം നടത്തിയിട്ടുണ്ടെന്നും നാട്ടുകാർ പറയുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.