ന്യൂഡൽഹി: പ്രധാനമന്ത്രി നരേന്ദ്ര മോദിയെ "കള്ളന്മാരുടെ സർദാർ", എന്ന് വിശേഷിപ്പിച്ചുവെന്ന ആരോപണത്തിൽ രാഹുൽ ഗാന്ധിക്കെതിരെയുള്ള അപകീർത്തിക്കേസിലെ വിചാരണ നടപടികൾ സുപ്രീം കോടതി താൽക്കാലികമായി സ്റ്റേ ചെയ്തു.
കേസിൽ നാലാഴ്ചയ്ക്കകം മറുപടി നൽകാൻ നോട്ടീസ് അയക്കുന്നതായും അതുവരെ വിചാരണക്കോടതിയിലെ തുടർനടപടികൾ സ്റ്റേ ചെയ്യുന്നതായും കോടതി ഉത്തരവിട്ടു.
രാഹുൽ ഗാന്ധിക്കുവേണ്ടി മുതിർന്ന അഭിഭാഷകൻ അഭിഷേക് മനു ഹാജരായി. നേരത്തെ ഹൈക്കോടതിയിൽ കേസ് പരിഗണിച്ചപ്പോൾ, മജിസ്‌ട്രേറ്റ് കോടതി സമൻസിനെ ചോദ്യം ചെയ്ത രാഹുൽ ഗാന്ധി ഒരു ബിജെപി പ്രവർത്തകൻ നൽകിയ ഈ പരാതി നിലനിൽക്കില്ലെന്ന് വാദിച്ചിരുന്നു.
താൻ പാർട്ടിയുടെ പേര് പരാമർശിച്ചിട്ടില്ലെന്നും, തിരിച്ചറിയാൻ സാധിക്കുന്നതോ നിർവചിക്കപ്പെട്ടതോ ആയ ഒരു വിഭാഗത്തെയും ലക്ഷ്യമിട്ടിട്ടില്ലെന്നും അദ്ദേഹം വാദിച്ചു.
അങ്ങനെയൊരു വിഭാഗമില്ലാതിരിക്കെ, കേസ് നടത്താൻ നിയമപരമായ അവകാശമുള്ള വ്യക്തിയോ ഗ്രൂപ്പോ ഇതിൽ വ്യക്തമായി ഇല്ലെന്നായിരുന്നു അദ്ദേഹത്തിന്റെ നിലപാട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.