കൊച്ചി: സിഎംആര്‍എല്‍ മാസപ്പടി കേസില്‍ മുന്‍ മുഖ്യമന്ത്രി പിണറായി വിജയനും കുടുംബത്തിനുമെതിരെ എഫ്‌ഐആര്‍ രജിസ്റ്റര്‍ ചെയ്യാതിരിക്കുന്നത് അവരെ സഹായിക്കുന്നതിന് തുല്യം.പോലീസിന് കത്തയച്ച് ഇഡി.
കൃത്യമായ തെളിവുകള്‍ നല്‍കിയിട്ടും എഫ്‌ഐആര്‍ രജിസ്റ്റര്‍ ചെയ്യാതിരിക്കുന്നത്, കുറ്റകൃത്യത്തിലൂടെയുള്ള പണം (കൈക്കൂലി പണം) സ്വരൂപിക്കാന്‍ പ്രതികളെ അറിഞ്ഞുകൊണ്ട് സഹായിക്കുന്നതിന് തുല്യമാണ്. ഇത് പിഎംഎല്‍എ സെക്ഷന്‍ 3 പ്രകാരം കള്ളപ്പണം വെളുപ്പിക്കല്‍ കുറ്റത്തിന്റെ പരിധിയില്‍ വരും' -സെപ്റ്റംബര്‍ 7ന് അയച്ച കത്തില്‍ ഇഡി ചൂണ്ടിക്കാട്ടി.
പ്രതികളെ സഹായിക്കുന്ന ഏതൊരാള്‍ക്കും ഈ നിയമം ബാധകമാണെന്ന് ഇഡി വ്യക്തമാക്കുന്നു. സര്‍വീസില്‍ ഇരിക്കുന്ന ഉദ്യോഗസ്ഥര്‍ ഉള്‍പ്പെടെ ആരെങ്കിലും കൈക്കൂലി പണം കണ്ടെത്താനോ, ഒളിപ്പിക്കാനോ, കൈവശം വെക്കാനോ സഹായിച്ചാല്‍ അത് കുറ്റകരമാണ്. എഫ്‌ഐആര്‍ രജിസ്റ്റര്‍ ചെയ്തില്ലെങ്കില്‍ ഉചിതമായ നിയമനടപടികള്‍ സ്വീകരിക്കാന്‍ ഇഡിക്ക് അധികാരമുണ്ടെന്ന സുപ്രീംകോടതിവിധികളും കത്തില്‍ ചൂണ്ടിക്കാണിച്ചിട്ടുണ്ട്.
പിണറായി വിജയന്‍, മകള്‍ ടി വീണ, മരുമകനും മുന്‍ മന്ത്രിയുമായ പിഎ മുഹമ്മദ് റിയാസ് എന്നിവര്‍ക്കെതിരെ അഴിമതി നിരോധന നിയമപ്രകാരം കേസ് എടുക്കണമെന്നാണ് ഇ.ഡി സംസ്ഥാന പൊലീസിനോട് ആവശ്യപ്പെട്ടിരുന്നത്. സിഎംആര്‍എല്‍ കമ്പനിയിലെ പൊതു ഓഹരി ഉടമകളെയും 13 ശതമാനം ഓഹരിയുള്ള കേരള സ്റ്റേറ്റ് ഇന്‍ഡസ്ട്രിയല്‍ ഡെവലപ്മെന്റ് കോര്‍പ്പറേഷനെയും വഞ്ചിച്ചാണ് പണം തട്ടിയെടുത്തതെന്ന് കത്തില്‍ പറയുന്നു.
കോഗ്‌നിസബിള്‍ കുറ്റകൃത്യത്തെക്കുറിച്ച് വിവരം ലഭിച്ചാല്‍ ഉടന്‍ തന്നെ എഫ്‌ഐആര്‍ രജിസ്റ്റര്‍ ചെയ്യാന്‍ പൊലീസ് ബാധ്യസ്ഥരാണെന്ന് സുപ്രീംകോടതി ഉത്തരവുകള്‍ വ്യക്തമാക്കുന്നുണ്ടെന്ന് ഇഡി ചൂണ്ടിക്കാട്ടി. എഫ്‌ഐആര്‍ ഇടാതിരിക്കുന്നത് കുറ്റവാളികള്‍ക്ക് തെളിവുകള്‍ നശിപ്പിക്കാനും പണം കൈവശം വെക്കാനും സമയം നല്‍കുമെന്നും ഇഡിയുടെ കത്തില്‍ പറയുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.