തിരുവനന്തപുരം: ബുധനാഴ്‌ച മുതലപ്പൊഴിയിലുണ്ടായ ചാകരക്കോളില്‍ കുമിഞ്ഞുകൂടിയ വറ്റ മത്സ്യം കഴിച്ച്‌ 28പേർ ആശുപത്രിയില്‍.
പുന്നമൂട് മാർക്കറ്റില്‍ നിന്ന് മത്സ്യം വാങ്ങി കഴിച്ചവരാണ് ചികിത്സയില്‍ കഴിയുന്നതില്‍ ഭൂരിഭാഗവും. സാധാരണ കിലോയ്‌ക്ക് 550 രൂപയായിരുന്ന വറ്റമീൻ ചാകര വന്നതോടെ 120 - 150 രൂപയ്‌ക്കാണ് വില്‍ക്കുന്നത്. ചാകരയില്‍ അടിഞ്ഞ മീനിനൊപ്പം പഴകിയ മീൻ കൂടെ വില്‍പ്പനക്കാർ ചേർത്തിട്ടുണ്ടാകാമെന്നാണ് നിഗമനം.
മാത്രമല്ല, ചാകര സമയത്ത് ഒരുപാട് മീൻ പിടിക്കുമ്പോള്‍ ഐസ് ഇടാതെ, ബാക്‌ടീരിയ വളരാനും സാദ്ധ്യതയുണ്ട്. കൂടാതെ, വറ്റ പോലുള്ള കടല്‍ മീനില്‍ ഹിസ്റ്റാമിൻ എന്ന വിഷം പെട്ടെന്നുണ്ടാകാൻ സാദ്ധ്യതയുണ്ട്. ശരിയായ താപനിലയില്‍ സൂക്ഷിച്ചില്ലെങ്കില്‍ ഈ വിഷം ഉണ്ടാകും.
മത്സ്യം കഴിച്ച്‌ പത്ത് മുതല്‍ 30 മിനിട്ടിനുള്ളില്‍ മുഖം ചുവക്കുക, ചൊറിച്ചില്‍, തലവേദന, വയറിളക്കം, ഛർദി തുടങ്ങിയ പ്രശ്‌നങ്ങള്‍ ഉണ്ടായാല്‍ ഉടൻ ചികിത്സ തേടണമെന്നും മുന്നറിയിപ്പുണ്ട്. വറ്റ വില്‍പ്പന നടത്തുന്നവർക്കെതിരെ നടപടി സ്വീകരിക്കുമെന്നാണ് മുനിസിപ്പാലിറ്റി അറിയിച്ചിരിക്കുന്നത്.
ആശങ്കപ്പെടേണ്ട സാഹചര്യമല്ലെങ്കിലും, മറ്റ് രോഗങ്ങളുള്ളവരെ ഇത് ഗുരുതരമായി ബാധിക്കുമെന്നും വർക്കല ബ്ലോക്കിലെ ഏഴ് പഞ്ചായത്തുകളുടെ ചുമതലയുള്ള ഹെല്‍ത്ത് ഇൻസ്‌പെക്‌ടർ ഷാനി പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.