നോയിഡ: രാത്രി നൂഡില്‍സ് കഴിച്ചു കിടന്നുറങ്ങിയ ദമ്പതികളെയും മൂന്ന് മക്കളെയും വീടിനുള്ളില്‍ മരിച്ച നിലയില്‍ കണ്ടെത്തി.
പരീക്ഷയ്ക്ക് പോകേണ്ട കുട്ടി രാവിലെ ഉണരാതിരുന്നതിനെ തുടർന്ന് നടത്തിയ പരിശോധനയിലാണ് കുടുംബത്തിലെ അഞ്ചുപേരെയും ജീവനറ്റ നിലയില്‍ കണ്ടെത്തിയത്. രാത്രി 10 മണിയോടെയാണ് ഇവർ ഭക്ഷണം കഴിച്ചിരുന്നതെന്നാണ് വിവരം. തലേദിവസം രാത്രി കുടുംബം നൂഡില്‍സ് കഴിച്ചിരുന്നു എന്ന് മരിച്ച മഹേഷിന്റെ അമ്മ പൊലീസിന് മൊഴി നല്‍കിയിട്ടുണ്ട്.
പൊലീസും ഫൊറൻസിക് ടീമും ഫുഡ് സേഫ്റ്റി ഡിപ്പാർട്ട്‌മെന്റും സ്ഥലത്തെത്തി പരിശോധന നടത്തി. മൃതദേഹങ്ങള്‍ പോസ്റ്റ്‌മോർട്ടത്തിനായി അയച്ചിരിക്കുകയാണ്. പോസ്റ്റ്‌മോർട്ടം റിപ്പോർട്ടിന് ശേഷമേ മരണകാരണം വ്യക്തമാകൂവെന്ന് പൊലീസ് വ്യക്തമാക്കി.
സ്വത്ത് തർക്കത്തെ തുടർന്ന് വീട്ടില്‍ നിരന്തരം വഴക്കുകള്‍ നടന്നിരുന്നതായി അയല്‍വാസികള്‍ പൊലീസിന് മൊഴി നല്‍കിയിട്ടുണ്ട്. മഹേഷിന്റെ അമ്മ സ്വത്ത് മുഴുവൻ മകളുടെ പേരില്‍ എഴുതിവെക്കുകയും ഇവരോട് വീടൊഴിയാൻ ആവശ്യപ്പെടുകയും ചെയ്തിരുന്നു.
മേളയില്‍ പങ്കെടുത്തു മടങ്ങിയെത്തിയ കുടുംബത്തിന് മഹേഷിന്റെ അമ്മയാണ് നൂഡില്‍സ് ഉണ്ടാക്കി നല്‍കിയതെന്നും ഇതില്‍ ദുരൂഹതയുണ്ടെന്നും അയല്‍വാസികള്‍ ആരോപിച്ചു. സംഭവത്തില്‍ പൊലീസ് വിശദമായ അന്വേഷണം ആരംഭിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.