മൂന്ന് മാസത്തിനിടെ പിടികൂടിയത് 51 പേരെ, വനിതാ കംപാര്‍ട്മെന്‍റുകളില്‍ യാത്ര പുരുഷൻമാരില്‍ നിന്ന് ഈടാക്കിയ പിഴ 1,27,000 രൂപ,

തിരുവനന്തപുരം: വനിതാ കംപാർട്മെന്‍റുകളില്‍ യാത്ര ചെയ്തതിന് തിരുവനന്തപുരം ആർപിഎഫ് കഴിഞ്ഞ മൂന്ന് മാസത്തിനിടെ പിടികൂടിയത് 51 പുരുഷൻമാരെ.

1,27,000 രൂപയാണ് മൂന്ന് മാസത്തിനിടെ പിഴയീടാക്കിയത്. അനധികൃതമായി വനിതാ കോച്ചുകളില്‍ കയറിയാലുളള പിഴ അഞ്ഞൂറില്‍ നിന്ന് രണ്ടായിരത്തി അഞ്ഞൂറാക്കിയ ശേഷമുളള കണക്കാണിത്. ട്രാക്കില്‍ അതിക്രമിച്ചുകയറിയതിനും ട്രാക്ക് അനധികൃതമായി മുറിച്ചുകടന്നതിനും 11 ലക്ഷം രൂപയും പിഴ ചുമത്തി.

വനിതകളുടെ യാത്രാസുരക്ഷ ഉറപ്പാക്കുന്നതിനായി ആർപിഎഫ് പരിശോധന വരും ദിവസങ്ങളിലും കൂടുതല്‍ ശക്തമാക്കുമെന്ന് അധികൃതർ അറിയിച്ചു. ട്രെയിനുകളിലും റെയില്‍വേ സ്റ്റേഷനുകളിലും ചട്ടങ്ങള്‍ ലംഘിക്കുന്നവർക്കെതിരെ കർശന നിയമനടപടികള്‍ സ്വീകരിക്കും എന്നും വ്യക്തമാക്കിയിട്ടുണ്ട്.