കൊച്ചി: പ്രശസ്ത വയലിനിസ്റ്റ് ബാലഭാസ്കറിന്റെ ദുരൂഹ മരണത്തില്‍ കൂടുതല്‍ അന്വേഷണം നടത്താൻ കേരള ഹൈക്കോടതി നിർദ്ദേശിച്ചു.
ബാലഭാസ്കറിന്റെ മാതാപിതാക്കള്‍ ഉന്നയിച്ച ഗുരുതരമായ സംശയങ്ങളും ആരോപണങ്ങളും പുതിയ അന്വേഷണ സംഘം വിശദമായി പരിശോധിക്കണമെന്ന് കോടതി ആവശ്യപ്പെട്ടു. കേസില്‍ വാഹനം ഓടിച്ച അർജ്ജുനെ മാത്രമാണ് നേരത്തെ പ്രതി ചേർത്തിരുന്നത്.
എന്നാല്‍ ഇതൊരു ആസൂത്രിത കൊലപാതകമാണെന്ന് മാതാപിതാക്കള്‍ തുടക്കം മുതല്‍ ആരോപിച്ചിരുന്നു. ബാലഭാസ്കറുമായി അടുത്ത ബന്ധമുണ്ടായിരുന്ന മാനേജർമാർ പിന്നീട് സ്വർണ്ണക്കടത്ത് കേസില്‍ പിടിയിലായതും ഇതിനു പിന്നില്‍ ദുരൂഹത വർദ്ധിപ്പിക്കുന്നുണ്ട്.
2018 സെപ്റ്റംബർ 25-ന് തിരുവനന്തപുരം പള്ളിപ്പുറത്തുണ്ടായ വാഹനാപകടത്തിലാണ് ബാലഭാസ്കറും മകള്‍ തേജസ്വിനിയും കൊല്ലപ്പെട്ടത്. ചികിത്സയിലിരിക്കെയാണ് ബാലഭാസ്കർ മരണത്തിന് കീഴടങ്ങിയത്. അപകടത്തില്‍ അദ്ദേഹത്തിന്റെ ഭാര്യ ലക്ഷ്മിക്കും ഡ്രൈവർ അർജ്ജുനും ഗുരുതരമായി പരിക്കേറ്റിരുന്നു. പുതിയ ഉത്തരവിലൂടെ കേസില്‍ സത്യം പുറത്തുവരുമെന്ന പ്രതീക്ഷയിലാണ് ബാലഭാസ്കറിന്റെ കുടുംബം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.