ദുബൈ: രാജ്യത്തിനോ സര്‍ക്കാരിനോ ഒരു ആവശ്യം വന്നാല്‍ തന്റെ വിമാനവും ഹെലികോപ്റ്ററും വിട്ടുനല്‍കാന്‍ തയ്യാറാണെന്ന് ലുലു ഗ്രൂപ്പ് ചെയര്‍മാന്‍ എംഎ യൂസഫലി. അതിന്റെ പേരില്‍ ആരുടെ കൈയില്‍ നിന്നും യാതൊരു ആനുകൂല്യവും ആവശ്യമില്ലെന്നും അദ്ദേഹം പറഞ്ഞു.
എന്റെ കൈയില്‍ ഹെലികോപ്റ്റര്‍ ഉണ്ട്, എനിക്കു വിമാനവും ഉണ്ട്. അത് എല്ലാവര്‍ക്കും അറിയാം. രാജ്യത്തിനോ സര്‍ക്കാരിനോ ഏതു സമയത്ത് ആവശ്യമുണ്ടെങ്കിലും ഞാന്‍ അവര്‍ക്കു കൊടുക്കും. അതിനു ശേഷം അവരുടെ അടുത്തു പോയി എന്തെങ്കിലും പിടിച്ചു വാങ്ങുന്ന ആളല്ല ഞാന്‍. എനിക്ക് എന്തെങ്കിലും ആവശ്യമുണ്ടെങ്കില്‍ ഗള്‍ഫിലെ ഭരണാധികാരികള്‍ തരും- യൂസഫലി പറഞ്ഞു.
വിമാന യാത്രാ വിവാദം
മലപ്പുറത്തെ വെള്ളപ്പൊക്ക ദുരിത ഭൂമിയിലേക്ക് മുഖ്യമന്ത്രി വിഡി സതീശന്‍ സ്വകാര്യ വിമാനത്തില്‍ യാത്ര ചെയ്തതാണ് വലിയ വിവാദത്തിനു തിരി കൊളുത്തിയത്. വിവാദ യാത്രയെ ന്യായീകരിച്ച് മുഖ്യമന്ത്രി രംഗത്തു വന്നിരുന്നു. അടിയന്തര സാഹചര്യങ്ങളില്‍ സ്വകാര്യ വ്യക്തികളുടെ വിമാനങ്ങളില്‍ സഞ്ചരിക്കേണ്ടി വരും.
താന്‍ പരസ്യമായാണ് യാത്ര ചെയ്തത്. ഇതുവരെ നടത്തിയ വിമാനയാത്രയ്ക്ക് ഒരു രൂപ പോലും സര്‍ക്കാരിന് ചെലവു വന്നിട്ടില്ല. യാത്രയ്ക്കായി ആരാണ് വിമാനം സ്പോണ്‍സര്‍ ചെയ്തതെന്ന് വെളിപ്പെടുത്തേണ്ട യാതൊരു കാര്യവുമില്ലെന്നും മുഖ്യമന്ത്രി പറഞ്ഞു.
മലപ്പുറത്ത് വലിയ അപകടമാണുണ്ടായത്. അവിടെ പോയില്ലെങ്കില്‍ മുഖ്യമന്ത്രി അങ്ങോട്ടു തിരിഞ്ഞു നോക്കിയില്ല എന്നാകും ചര്‍ച്ച വരിക. അടിയന്തരമായി പോകാന്‍ മാര്‍ഗം അന്വേഷിച്ചു. ഒരു പരിചയക്കാരന്‍ വിമാനം അറേഞ്ച് ചെയ്തു തന്നു. അതില്‍ പോയതില്‍ എന്താണ് തെറ്റ്?. അത് ആരാണെന്ന് പറയുന്നത് എന്തിനാണ്?. അവരെ എന്തിനാണ് വലിച്ചിഴയ്ക്കുന്നതെന്നും മുഖ്യമന്ത്രി ചോദിച്ചു.
മലയാളി ആയ ഒരാള്‍ അറേഞ്ച് ചെയ്ത ഫ്ലൈറ്റിലാണ് മലപ്പുറത്തേക്ക് പോയത്. താന്‍ ഇനിയും പോകും. അതില്‍ എന്താണ് തെറ്റ് ?. മുന്‍പും കേരളത്തിലെ മുഖ്യമന്ത്രിമാരും മറ്റ് സംസ്ഥാനങ്ങളിലെ മന്ത്രിമാരും സമാന രീതിയില്‍ ഹെലികോപ്റ്റര്‍ യാത്ര ചെയ്തിട്ടുണ്ട്.
മുന്‍മുഖ്യമന്ത്രിമാരായ പിണറായി വിജയനും ഉമ്മന്‍ ചാണ്ടിയും പോയിട്ടുണ്ട്. ഇന്ത്യയിലെ എല്ലാ മുഖ്യമന്ത്രിമാരും ഔദ്യോഗിക ആവശ്യങ്ങള്‍ക്കായി ഇത്തരം യാത്രകള്‍ നടത്താറുണ്ട്- മുഖ്യമന്ത്രി പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.