മദ്യപാനത്തെ തുടര്‍ന്ന് തര്‍ക്കം കലാശിച്ചത് കൊലപാതകത്തിൽ: അടിമാലിയില്‍ അനിയനെ കുത്തിക്കൊലപ്പെടുത്തി ജ്യേഷ്ഠൻ,

 ഇടുക്കി അടിമാലിയില്‍ മദ്യലഹരിയില്‍ ജേഷ്ഠൻ അനുജനെ കുത്തിക്കൊന്നു. ശല്യംപാറ സ്വദേശി പ്രസാദ് ആണ് അനുജൻ അനിലിനെ കുത്തിക്കൊലപ്പെടുത്തിയത്.

മദ്യപാനത്തെ തുടർന്നുള്ള തർക്കമാണ് കൊലപാതകത്തിന് കാരണം. ഇരുവരും തമ്മില്‍ നേരത്തെയും പ്രശ്നങ്ങള്‍ ഉണ്ടായിരുന്നു. ആശുപത്രിയില്‍ പോയ ഭാര്യ തിരികെ വീട്ടിലെത്തിയപ്പോഴാണ് അനിലിനെ രക്തം വാർന്ന് നിലത്ത് കിടക്കുന്ന നിലയില്‍ കണ്ടെത്തിയത്.

 ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. വീട്ടില്‍ മദ്യലഹരിയില്‍ ഉണ്ടായിരുന്ന പ്രസാദിനെ വെള്ളത്തൂവല്‍ പൊലീസ് കസ്റ്റഡിയിലെടുത്തു. പ്രസാദ് നേരത്തെയും നിരവധി കേസുകളില്‍ പ്രതിയാണ്.