ടെൽ അവീവ്: ഇസ്രയേലില്‍ നിര്‍ണായക പൊതു തെരഞ്ഞെടുപ്പ് ഇന്ന് നടക്കും. പ്രാദേശിക സമയം രാവിലെ ഏഴുമണിമുതല്‍ രാത്രി 10 മണിവരെയാണ് പോളിങ് നടക്കുക. തെരഞ്ഞെടുപ്പ് ദിനമായ ചൊവ്വാഴ്ച പൊതു അവധിയാണ്.
പശ്ചിമേഷ്യൻ സംഘര്‍ഷം നിലനില്‍ക്കുന്നതിനിടെ, ബെഞ്ചമിന്‍ നെതന്യാഹുവിന് തെരഞ്ഞെടുപ്പ് ഫലം നിര്‍ണായകമാണ്. 2023 ഒക്ടോബര്‍ ഏഴിന് ഹമാസ് നടത്തിയ ആക്രമണത്തിനും തുടര്‍ന്ന് ഗാസയില്‍ ആരംഭിച്ച യുദ്ധത്തിനും ശേഷം നടക്കുന്ന ആദ്യ പൊതുതെരഞ്ഞെടുപ്പു കൂടിയാണിത്.
പതിനെട്ട് വയസ്സ് പൂര്‍ത്തിയായ, വോട്ടര്‍പ്പട്ടികയില്‍ പേരുള്ള എല്ലാ ഇസ്രയേല്‍ പൗരന്മാര്‍ക്കും പാസ്‌പോര്‍ട്ട്, ഡ്രൈവിങ് ലൈസന്‍സ് അല്ലെങ്കില്‍ തിരിച്ചറിയല്‍ കാര്‍ഡ് ഉപയോഗിച്ച് വോട്ട് രേഖപ്പെടുത്താം. ഇസ്രയേല്‍ ജനസംഖ്യയുടെ ഏകദേശം 20 ശതമാനം വരുന്ന അറബ് പൗരന്മാരുടെ പോളിങ് ശതമാനം ഇത്തവണത്തെ നിര്‍ണായകമാകും.
ഇസ്രയേല്‍ പാര്‍ലമെന്റായ നെസ്സറ്റില്‍ ആകെ 120 സീറ്റുകളാണുള്ളത്. മൂന്നുവര്‍ഷത്തെ യുദ്ധത്തില്‍ തളര്‍ന്ന ഇസ്രയേല്‍ ജനതയ്ക്കിടയില്‍ 'യഷാര്‍' പാര്‍ട്ടി നേതാവും മുന്‍ സൈനിക ജനറലുമായ ഐസന്‍കോട്ടിന് വലിയ സ്വീകാര്യത ലഭിക്കുന്നുണ്ട്. തെരഞ്ഞെടുപ്പിന് മുമ്പായി പുറത്തുവന്ന വിവിധ അഭിപ്രായ സര്‍വേകളില്‍ നേരിയ മുന്‍തൂക്കം ഐസന്‍കോട്ടിനാണ്.
അദ്ദേഹത്തിന്റെ ഇളയമകൻ ഗാസ യുദ്ധത്തിൽ കൊല്ലപ്പെട്ടിരുന്നു. മുൻ പ്രധാനമന്ത്രിമാരായ നഫ്താലി ബെന്നറ്റ് (54), യയ്ർ ലപീദ് (62) എന്നിവർ ചേർന്ന് ടുഗെതർ എന്നൊരു പാർട്ടിയുമായി പ്രതിപക്ഷ നിരയിലുണ്ട്. നെതന്യാഹു 1996 മുതൽ 3 തവണയായി 19 വർഷത്തോളം പ്രധാനമന്ത്രിയായിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.