ശരീരഭാരം കുറയ്ക്കാനും പേശികളുടെ വളർച്ച ഉറപ്പാക്കാനും ആഗ്രഹിക്കുന്നവർ ഭക്ഷണത്തില്‍ പ്രോട്ടീന് വലിയ പ്രാധാന്യമാണ് നല്‍കുന്നത്.
സസ്യാഹാരികള്‍ക്ക് പ്രോട്ടീൻ നേടാൻ സാധിക്കുന്ന ഏറ്റവും മികച്ച ഒന്നാണ് സോയാബീൻസ്. ശരീരത്തിന് ആവശ്യമായ ഒമ്പത് അമിനോ ആസിഡുകളും ഇതില്‍ അടങ്ങിയിട്ടുണ്ട്. 100 ഗ്രാം വേവിച്ച സോയാബീൻസില്‍ നിന്ന് ഏകദേശം 18 ഗ്രാം പ്രോട്ടീൻ ലഭിക്കുന്നു.
സോയാബീൻസിന് പുറമെ സോയാബീൻസ് പുളിപ്പിച്ചുണ്ടാക്കുന്ന ഇന്തോനേഷ്യൻ വിഭവമായ ‘ടെംപെ’ (100 ഗ്രാമില്‍ 20 ഗ്രാം പ്രോട്ടീൻ), മാംസത്തിന് പകരമായി ഉപയോഗിക്കാവുന്ന ടോഫു (100 ഗ്രാമില്‍ 10-17 ഗ്രാം പ്രോട്ടീൻ) എന്നിവയും ഡയറ്റില്‍ ഉള്‍പ്പെടുത്താവുന്ന മികച്ച ഓപ്ഷനുകളാണ്.
വലിയ ഭക്ഷണവിഭവങ്ങള്‍ കൂടാതെ ചെറിയ വിത്തുകളിലും നട്സുകളിലും പ്രോട്ടീൻ ഗണ്യമായ അളവിലുണ്ട്. മഗ്നീഷ്യവും ആരോഗ്യകരമായ കൊഴുപ്പുകളും അടങ്ങിയ 100 ഗ്രാം മത്തങ്ങാവിത്തില്‍ നിന്ന് ഏകദേശം 25 മുതല്‍ 30 ഗ്രാം വരെ പ്രോട്ടീൻ ലഭിക്കും.
അതുപോലെ വില കുറഞ്ഞതും എളുപ്പത്തില്‍ ലഭ്യമാകുന്നതുമായ നിലക്കടലയിലും വലിയ അളവില്‍ പ്രോട്ടീൻ അടങ്ങിയിട്ടുണ്ട്. 100 ഗ്രാം നിലക്കടലയില്‍ നിന്ന് ഏകദേശം 25-26 ഗ്രാം പ്രോട്ടീൻ ലഭിക്കുമെങ്കിലും കലോറി കൂടുതല്‍ ഉള്ളതിനാല്‍ ഇവ അളവ് നിയന്ത്രിച്ച്‌ കഴിക്കാൻ പ്രത്യേകം ശ്രദ്ധിക്കണം.
സോയാ ഉല്‍പ്പന്നങ്ങള്‍ക്കും വിത്തുകള്‍ക്കും പുറമെ ചെറുപയർ, കടല, പരിപ്പ്, പാല്‍, തൈര് തുടങ്ങിയവയും ഭക്ഷണത്തില്‍ ഉള്‍പ്പെടുത്താവുന്നതാണ്. വിവിധതരം പോഷകങ്ങള്‍ അടങ്ങിയ ഭക്ഷണങ്ങള്‍ മാറിമാറി കഴിക്കുന്നത് ശരീരത്തിന് ആരോഗ്യവും വൈവിധ്യവും ഉറപ്പാക്കാൻ സഹായിക്കും.
അതേസമയം, ഈ ലേഖനം വിവരങ്ങള്‍ നല്‍കുന്നതിന് വേണ്ടി മാത്രമുള്ളതാണ്. മെഡിക്കല്‍ ഉപദേശത്തിന് പകരമാകില്ല. ആരോഗ്യസംബന്ധമായ പ്രശ്‌നങ്ങള്‍ക്ക് ഒരു ഡോക്ടറുടെ സേവനം തേടേണ്ടത് അത്യാവശ്യമാണ്. ഓരോ വ്യക്തിയുടെയും പ്രായവും ശാരീരിക പ്രവർത്തനങ്ങളും അനുസരിച്ചായിരിക്കണം ഡയറ്റിലെ പ്രോട്ടീൻ അളവ് നിശ്ചേയിക്കേണ്ടത്
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.