ബെർലിൻ: പെണ്‍കുട്ടിക്ക് നേരേ റോബോട്ടിന്റെ ലൈംഗികാതിക്രമം. ജർമനിയിലെ കൊളോണ്‍ നഗരത്തിലെ ഒരു റസ്റ്ററന്റിന് പുറത്തുവെച്ചാണ് ഹ്യൂമനോയിഡ് റോബോട്ട് 16 വയസ്സുകാരിക്ക് നേരേ ലൈംഗികാതിക്രമം നടത്തിയത്.
ശനിയാഴ്ച രാത്രിയാണ് റസ്റ്ററന്റിന് പുറത്തുവെച്ച്‌ 16-കാരിക്ക് നേരേ അതിക്രമമുണ്ടായത്. സുഹൃത്തുക്കള്‍ക്കൊപ്പം നില്‍ക്കുകയായിരുന്ന പെണ്‍കുട്ടിക്ക് നേരേ നാലടിയോളം നീളവും മാർവല്‍ സൂപ്പർഹീറോയായ അയണ്‍മാനിന്റെ സമാനമായ ഡിസൈനിലുള്ളതുമായ റോബോട്ട് നടന്നുവരികയായിരുന്നു.
റോബോട്ടിനെ ആശ്ലേഷിക്കുന്നതിനിടെയാണ് പെണ്‍കുട്ടിയെ റോബോട്ട് കയറിപ്പിടിച്ചത്. ശരീരത്തില്‍ മോശമായരീതിയില്‍ സ്പർശിക്കുകയും ചെയ്തു. ഇതോടെ പെണ്‍കുട്ടി ബഹളംവെച്ച്‌ പിന്നോട്ട് മാറി.
സംഭവത്തിന് പിന്നാലെ പെണ്‍കുട്ടി പൊലീസില്‍ വിവരമറിയിച്ചു. തുടർന്ന് പൊലീസ് നടത്തിയ അന്വേഷണത്തില്‍ ഒരു കാറിന്റെ ഡിക്കിയില്‍നിന്നാണ് റോബോട്ടിനെ കണ്ടെത്തിയത്. റോബോട്ട് പൊലീസ് കസ്റ്റഡിയിലെടുത്തു. റോബോട്ടിന്റെ ഉടമയുടെയും ഇയാളുടെ സുഹൃത്തിന്റെയും മൊബൈല്‍ ഫോണുകളും പൊലീസ് പിടിച്ചെടുത്തിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.