ആസൂത്രണ ബോര്‍ഡ് പരീക്ഷ ക്രമക്കേട്: ക്രൈംബ്രാഞ്ച് അന്വേഷണവുമായി സഹകരിക്കില്ലെന്ന തീരുമാനവുമായി പി എസ് സി

തിരുവനന്തപുരം: ആസൂത്രണ ബോർഡ് പരീക്ഷ ക്രമക്കേടില്‍ ക്രൈം ബ്രാഞ്ച് അന്വേഷണവുമായി സഹകരിക്കേണ്ടെന്ന് പിഎസ് സി തീരുമാനം.ഹൈക്കോടതി സിംഗിള്‍ ബെഞ്ച് ഉത്തരവ് എതിരായാല്‍ അപ്പീല്‍ പോകും.

ചോദ്യം ചെയ്യലുമായി സഹകരിക്കില്ല. അന്വേഷണം പൂർത്തിയാകും മുൻപ് എതിർക്കുന്നത് എന്തിനെന്നും നടന്നത് ഗുരുതര ക്രമക്കേട് അല്ലെ എന്നും ഹൈക്കോടതി കഴിഞ്ഞ ദിവസം ചോദിച്ചിരുന്നു. 

അതെ സമയം 58 മാർക്കിന്റെ ചോദ്യങ്ങള്‍ പുനർ മൂല്യനിർണയം നടത്തിയ ശേഷമുള്ള റാങ്ക് പട്ടികയില്‍ ഒന്നാമതെത്തിയ ശ്യാം കൃഷ്ണന് നിയമനം നല്‍കാനുള്ള നടപടികളുമായി മുന്നോട്ട് പോകാൻ പി എസ് സി യോഗം തീരുമാനിച്ചു. ശ്യാമിന് അഡ്വൈസ് മെമ്മോ നല്‍കും, നേരത്തെ ഒന്നാം റാങ്കിലെത്തി നിയമനം നല്‍കിയ അരുണ്‍ ജെ പ്രതാപിന് പുറത്താക്കാൻ നോട്ടീസ് നല്‍കും.