റിയാദ്: ഉംറ നിര്വഹിക്കുന്നതിനിടെ ഇന്ത്യൻ മാധ്യമപ്രവര്ത്തകയെ സൗദി അറേബ്യയിൽ കസ്റ്റഡിയിലെടുത്തതായി റിപ്പോര്ട്ട്. ജയ്പൂർ സ്വദേശിയും മാധ്യമപ്രവര്ത്തകയുമായ റിഷ ഹുസൈനെയാണ് കസ്റ്റഡിയിലെടുത്തതായി കുടുംബം അറിയിച്ചത്.
ഇതിന് പിന്നാലെ റിഷയുമായി കുടുംബത്തിന് ബന്ധപ്പെടാൻ കഴിഞ്ഞിട്ടില്ല. കസ്റ്റഡിയുമായി ബന്ധപ്പെട്ട സാഹചര്യങ്ങളും കാരണവും നിലവിൽ വ്യക്തമല്ല. മക്കയിൽ ഉംറ നിര്വഹിക്കുന്നതിന്റെ ചിത്രങ്ങളും വീഡിയോകളും റിഷ അടുത്തിടെ സമൂഹമാധ്യമങ്ങളിൽ പങ്കുവച്ചിരുന്നു. കഅബയെ പ്രദക്ഷിണം ചെയ്യുന്ന ദൃശ്യങ്ങളും മക്കയിലെ ഗ്രാൻഡ് മസ്ജിദിൽ നിന്നുള്ള ചിത്രങ്ങളും ഇതിലുണ്ട്.
ജയ്പൂർ സ്വദേശിയായ റിഷ ഹുസൈൻ വാർത്താ അവതാരകയും മാധ്യമപ്രവര്ത്തകയുമാണ്. സീ ന്യൂസ്, എന്ഡിടിവി, ഫസ്റ്റ് ഇന്ത്യ ന്യൂസ് തുടങ്ങിയ മാധ്യമസ്ഥാപനങ്ങളില് പ്രവര്ത്തിച്ചിട്ടുള്ളതായി അവരുടെ സോഷ്യൽ മീഡിയാ പ്രൊഫൈലിൽ പറയുന്നു. നിലവിൽ ടിവി9 ഭാരത് ർഷുമായി ബന്ധപ്പെട്ടാണ് പ്രവര്ത്തിക്കുന്നത്.
ഫസ്റ്റ് ഇന്ത്യ ന്യൂസിൽ ജയ്പൂരിൽ വാർത്താ അവതാരകയായി പ്രവര്ത്തിച്ചിരുന്ന റിഷ വാർത്താ രചന, കോപ്പി എഡിറ്റിങ്, ഗവേഷണം, വാർത്താ പരിപാടികളുടെ ഏകോപനം തുടങ്ങിയ ചുമതലകളും വഹിച്ചിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.