പത്തനംതിട്ട: ശബരിമല സന്നിധാനത്തെ മുറികളുടെ ബുക്കിങ് പൂർണമായും ഓൺലൈനിലേക്ക് മാറുന്നു. തുലാമാസ പൂജ മുതൽ ദിവസവും 400 മുറികൾ ഓൺലൈനായി ബുക്ക് ചെയ്യാനുള്ള സൗകര്യം ഏർപ്പെടുത്തുമെന്ന് തിരുവിതാംകൂർ ദേവസ്വം ബോർഡ് അറിയിച്ചു.
നിലവിൽ 190 മുറികളാണ് ഓൺലൈനായി ബുക്ക് ചെയ്യാൻ കഴിയുന്നത്. ഇതാണ് ഇനി 400 ആയി ഉയർത്തുന്നത്. പ്രോട്ടോക്കോൾ ഗസ്റ്റ് ഹൗസായി ഉപയോഗിച്ചിരുന്ന ശബരി ഗസ്റ്റ് ഹൗസിലെ 10 മുറികളും ഇനി ഓൺലൈൻ ബുക്കിങ്ങിന് ലഭ്യമാകും.
www.onlinetdb.com എന്ന വെബ്സൈറ്റ് വഴിയാണ് മുറികൾ ബുക്ക് ചെയ്യേണ്ടത്. തുലാമാസ പൂജയോടനുബന്ധിച്ചുള്ള ഓൺലൈൻ റൂം ബുക്കിങ് ഒക്ടോബർ 7ന് രാവിലെ 7 മണിക്ക് ആരംഭിക്കും.
വെബ്സൈറ്റിലെ തിരക്ക് കാരണം ബുക്കിങ് പൂർത്തിയാകാതെ പണം അക്കൗണ്ടിൽനിന്ന് ഡെബിറ്റ് ആയാൽ രേഖകൾ സഹിതം onlinerectdb@gmail.com എന്ന വിലാസത്തിൽ പരാതി നൽകാമെന്നും അധികൃതർ അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.