ന്യൂഡൽഹി: ആഗോളതലത്തിൽ ഏകദേശം 60,000 ജീവനക്കാർക്ക് സ്വമേധയാ ജോലി വിടുന്നതിനുള്ള ഓഫർ പ്രഖ്യാപിച്ച് മൈക്രോസോഫ്റ്റ്. ഇന്ത്യ, അമേരിക്ക, ബ്രിട്ടൻ, കാനഡ എന്നീ രാജ്യങ്ങളിലെ തിരഞ്ഞെടുത്ത വിഭാഗങ്ങളിലുള്ള യോഗ്യരായ ജീവനക്കാർക്കാണ് പുതിയ വൊളന്ററി എക്സിറ്റ് ഓഫർ (VEO) ലഭിക്കുക.
സാമ്പത്തിക ആനുകൂല്യങ്ങളോടെയും കരിയർ ആസൂത്രണത്തിനുള്ള പിന്തുണയോടെയും കമ്പനിയിൽനിന്ന് സ്വമേധയാ പുറത്തുകടക്കാനുള്ള അവസരമാണ് പദ്ധതി നൽകുന്നത്. കമ്പനിയുടെ ചീഫ് പീപ്പിൾ ഓഫീസർ ആമി കോൾമാൻ ഒക്ടോബർ 26-ന് ജീവനക്കാർക്കയച്ച സന്ദേശത്തിലൂടെയാണ് പദ്ധതി അറിയിച്ചത്.
മൈക്രോസോഫ്റ്റിന്റെ ആഗോള ജീവനക്കാരുടെ എണ്ണം 2026 ജൂൺ അവസാനത്തെ കണക്കനുസരിച്ച് ഏകദേശം 2,23,000 ആണ്. ഇതിൽ നാലിലൊന്നിലധികം ജീവനക്കാർക്ക് പുതിയ ഓഫറിന് അർഹതയുണ്ടാകുമെന്നാണ് റിപ്പോർട്ടുകൾ. എന്നാൽ, ഇത്രയും ജീവനക്കാർ ജോലി വിടുമെന്ന് കമ്പനി പ്രഖ്യാപിച്ചിട്ടില്ല. എത്രപേർ ഓഫർ സ്വീകരിക്കുമെന്ന കാര്യത്തിലും വ്യക്തതയില്ല.
കമ്പനിയുടെ ആഭ്യന്തര തൊഴിൽതലത്തിൽ ലെവൽ 70 വരെയുള്ള ജീവനക്കാർക്ക്, പങ്കെടുക്കുന്ന വിഭാഗങ്ങളിൽ, ഓഫർ ലഭിക്കും. എല്ലാ വിഭാഗങ്ങളിലെയും ജീവനക്കാർക്ക് ഇത് ബാധകമല്ല. ബിസിനസ് ആവശ്യങ്ങളും ഉപഭോക്തൃ പ്രതിബദ്ധതകളും ജീവനക്കാരുടെ ആവശ്യകതയും പരിഗണിച്ചാണ് വിഭാഗങ്ങളെ തിരഞ്ഞെടുക്കുന്നത്.
ആർട്ടിഫിഷ്യൽ ഇന്റലിജൻസ് (എഐ) മേഖലയിലെ നിക്ഷേപം വർധിപ്പിക്കുന്നതിനൊപ്പം പ്രവർത്തനച്ചെലവും ജീവനക്കാരുടെ ഘടനയും പുനഃക്രമീകരിക്കുന്നതിനുള്ള കമ്പനിയുടെ നീക്കത്തിന്റെ ഭാഗമായാണ് ഈ നടപടി വിലയിരുത്തപ്പെടുന്നത്. ഈ വർഷം നേരത്തേയും മൈക്രോസോഫ്റ്റ് സ്വമേധയാ വിരമിക്കാനുള്ള പദ്ധതി നടപ്പാക്കിയിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.