മുംബൈ: ബോളിവുഡ് താരം ടൈഗർ ഷ്രോഫിന്റെ കാറിനുനേരെ വെടിവെച്ച സംഭവത്തിൽ മൂന്ന് പേരെ രാജസ്ഥാനിലെ കോട്ടയിൽനിന്ന് മുംബൈ ക്രൈംബ്രാഞ്ച് പിടികൂടി. മുംബൈയിൽനിന്ന് ഡൽഹിയിലേക്ക് ട്രെയിനിൽ യാത്ര ചെയ്യുന്നതിനിടെ തിങ്കളാഴ്ച രാവിലെയാണ് പ്രതികളെ പിടികൂടിയത്. മുംബൈ, രാജസ്ഥാൻ, റെയിൽവേ പോലീസ് വിഭാഗങ്ങൾ സംയുക്തമായാണ് നടപടി സ്വീകരിച്ചത്.
ഹരിയാന സ്വദേശികളായ രണ്ട് പേരും മഹാരാഷ്ട്രയിൽനിന്നുള്ള ഒരാളുമാണ് പിടിയിലായതെന്നാണ് റിപ്പോർട്ട്. ഇവരിൽ ഒരാൾ പ്രായപൂർത്തിയാകാത്തയാളാണ്. ആക്രമണത്തിന് പ്രതികൾക്ക് 50,000 രൂപ മുൻകൂറായി ലഭിച്ചിരുന്നുവെന്നാണ് പോലീസ് വൃത്തങ്ങളെ ഉദ്ധരിച്ചുള്ള പുതിയ റിപ്പോർട്ട്. പണം നൽകിയവരെയും ആക്രമണത്തിന്റെ ആസൂത്രണത്തിന് പിന്നിലുള്ളവരെയും കണ്ടെത്താനുള്ള അന്വേഷണം തുടരുകയാണ്.
ഞായറാഴ്ച വൈകുന്നേരം മുംബൈയിലെ ജുഹു മേഖലയിലാണ് വെടിവെപ്പുണ്ടായത്. ബൈക്കിലെത്തിയ അക്രമികൾ ടൈഗർ ഷ്രോഫിന്റെ വാഹനത്തിനുനേരെ വെടിയുതിർക്കുകയായിരുന്നു. നടന് പരിക്കേറ്റില്ലെങ്കിലും ഡ്രൈവർക്കും ഓട്ടോറിക്ഷാ ഡ്രൈവർക്കും വെടിയേറ്റു.
ലോറൻസ് ബിഷ്‌ണോയ് സംഘവുമായി ബന്ധമുണ്ടെന്ന് അവകാശപ്പെട്ട ചിലർ ആക്രമണത്തിന്റെ ഉത്തരവാദിത്തം ഏറ്റെടുത്തതായി സമൂഹമാധ്യമങ്ങളിൽ സന്ദേശങ്ങൾ പ്രചരിച്ചിരുന്നു. ഈ അവകാശവാദത്തിന്റെ ആധികാരികതയും ആക്രമണത്തിന് പിന്നിലെ ലക്ഷ്യവും പോലീസ് പരിശോധിച്ചുവരികയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.